Techie IT
Monday January 25, 2021  |   सोमवार, माघ १२, २०७७
गृहपृष्ठ » Breaking News » रुसको कोरोना बिरुद्धको खोप, राष्ट्रपति भ्लादिमीर पुटिनकी छोरीले समेत लगाइन

रुसको कोरोना बिरुद्धको खोप, राष्ट्रपति भ्लादिमीर पुटिनकी छोरीले समेत लगाइन


233 Views

एजेन्सी । राष्ट्रपति भ्लादिमीर पुटिनले रूसले कोरोना भाइरसविरुद्धको भ्याक्सिन खोप तयार पारेर प्रयोगमा ल्याइसकिएको दाबी गरेका छन् । उनले दुईमहिना लामो परीक्षणपछि तयार गरिएको भ्याक्सिनलाई स्वास्थ्य मन्त्रालयले अनुमति दिएपछि आफ्नी छोरीलाई पनि दिइएको दाबी गरेका हुन् ।

अब ठूलो परिणाममा भ्याक्सिनको डोज तयार गरिने भन्दै राष्ट्रपति  पुटिनले कोरोना बिरुद्धको लडाइमा एउटा सफलता हात पारेको बताएका छन् । पुटिनकी छोरीलाई कोरोनाविरुद्धको भ्याक्सिन दिइएको खबर बाहिरिएसँगै उनकी कुन छोरीलाई भ्याक्सिन दिइयो भन्ने चार्चा सुरु भएको छ । पुटिनकी दुई छोरी छन् । कुन छोरीलाई भ्याक्सिन दिइयो भन्ने बारेमा रूसले केही जानकारी सार्वजनिक नगरेपनि कान्छी छोरीमा परिक्षण गरिएको हुनसक्ने आँकलन गरिएको छ ।

पुटिन सधैँ निजी जिन्दगीलाई चर्चाबाट टाढै राख्न रूचाउँने भएकाले अहिलेसम्म सार्वजनिक रूपमा छोरीहरुका बारेमा केही खुलाएका छैनन् । उनको परिवारका सदस्यहरुलाई पनि कमै मात्रामा सार्वजनिक रुपमा देख्न पाइन्छ । कतिपय मिडियाहरुले पुटिनकी दुई छोरी रहेको बताउँदै आएका छन्– मारिया पुटिना र येकातेरीना पुटिना । तर यसबारे पनि पुटिन परिवारले आधिकारीक रुपमा कुनै जानकारी गराएको छैन ।

Photo :The Australian

क्याटेगोरी : Breaking News, International, News



प्रतिक्रिया दिनुहोस

-Advertisement-