Friday, 5 January 2024
जोड्दैछौ अष्ट्रेलियाका नेपाली
HomeNepalगैर आवासीय नेपालीहरुले अब मोफसलका कार्यालयबाट समेत भिसा सुविधा पाउने

गैर आवासीय नेपालीहरुले अब मोफसलका कार्यालयबाट समेत भिसा सुविधा पाउने


काठमाडौं, गैरआवासीय नेपालीहरुले अब काठमाडौंबाहेक मोफसलका अध्यागमन कार्यालयहरुबाट समेत भिसा जारी गर्न र नविकरण गर्न पाउने भएका छन् ।

अध्यागमन विभागले भिसा नवीकरण तथा नयाँ जारी गर्न काठमाडौं आइरहनुपर्ने बाध्यता हटाउँदै मोफसलका दुई वटा अध्यागमन कार्यालयलाई यसको अधिकार दिएको हो । विभागका अनुसार अब गैर आवासीय नेपाली भिसा तथा गैरपर्यटक नाता भिसा अध्यागमन कार्यालय काकडभिट्टा र अध्यागमन कार्यालय पोखराबाट पनि उपलब्ध हुनेछ । कोरोना भाइरसको संक्रमणसँगै विभागले केन्द्रबाट हुने धेरै सेवा बन्द गरेको छ । पर्यटक भिसामा सहजीकरण विभागले लकडाउनपछि नेपालमा अड्किएका पर्यटकको भिसामा समेत सहजीकरण गरिदिएको छ । विभागका अनुसार २०२० मार्च २१ (२०७६ चैत ८) सम्म भिसा नियमित भएका विदेशी अन्तर्राष्ट्रिय उडान सूचारु भएको मितिले १५ दिन भित्र नेपालबाट प्रस्थान गर्ने भएमा अन्तर्राष्ट्रिय विमानस्थलस्थित अध्यागमन कार्यालय र सिमानास्थित अध्यागमन कार्यालयबाटै निःशुल्क भिसा नियमित हुने भएको छ । उडान खुलेको १५ दिन भित्र समेत आफ्नो मुलुक फर्कन नसक्ने पर्यटक तथा गैरआवासीय नेपालीको हकमा साउन ३० सम्मको अवधिको निःशुल्क र त्यसपछिको अवधिको बढीमा मंसिर मसान्त (डिसेम्बर १५ २०२०) सम्म नियमअनुसार भिसा शुल्क लिएर पर्यटक भिसा नियमित गरिने अध्यागमनले जानकारी दिएको छ ।

यसअघि विभागले २०७६ चैत ८ सम्म जुनसुकै भिसा नियमित भएकाको भिसा २०७७ साउन ३० सम्म नियमित गरेमा विलम्ब शूल्क र जरिवाना नलाग्ने जनाएको थियो । अब भने अध्यागमन विभागको सेवा पुनः सुरु भएको मितिले १५ दिन भित्र नवीकरण गरेमा जरिवाना र बिलम्व शुल्क नलिई भिसा नवीकरण हुनेछ । सरकारले अब पर्यटन भिसामा आएका विदेशी नागरिकले भिसा परिवर्तन गर्न चाहेमा गर्न सक्ने व्यवस्था गरेको छ । अझ योसेवा अध्यागमनका सेवा खुलेको १५ दिनसम्म निःशुल्क गरिएको छ ।



यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au

तपाईको प्रतिक्रिया


सम्बन्धित खबर

ट्रेण्डिङ