Techie IT
Wednesday October 21, 2020  |   बुधबार, कार्तिक ५, २०७७
गृहपृष्ठ » Breaking News » नेपालमा थपिदै अन्तर्राष्ट्रिय विमानस्थल, गौतम बुद्ध अन्तर्राष्ट्रिय विमानस्थलको ९३ प्रतिशत काम सम्पन्न

नेपालमा थपिदै अन्तर्राष्ट्रिय विमानस्थल, गौतम बुद्ध अन्तर्राष्ट्रिय विमानस्थलको ९३ प्रतिशत काम सम्पन्न


196 Views

काठमाडौं, भैरहवा । नेपालमा सञ्चालित विभिन्न २१ वटा राष्ट्रिय गौरभका आयोजनामध्ये भौरहवास्थित गौतम बुद्ध अन्तर्राष्ट्रिय विमानस्थल निर्माणको काम सबैभन्दा पहिला पुरा हुने देखिएको छ । पर्यटन तथा नागरिक उड्ययन मन्त्री योगेशकुमार भट्टराईले गौतम बुद्ध अन्तर्राष्ट्रिय विमानस्थल आयोजनाको स्थलगत अबलोकन समेत गरेर आउँदो डिसेम्बरसम्म पूरा हुने जानकारी दिएका हुन् ।

कोरोना संक्रमणका कारण प्रतिकुल बनेको समयमा समेत विमानस्थल निर्माणको काम एकदिन पनि नरोकिएको पाइएको छ । मन्त्री भट्टराई, नागरिक उड्ययन प्रधिकरणका महानिर्देशक राजन पोखरेल, राष्ट्रिय गौरव आयोजनाका निर्देशक प्रदीप पोखरेल लगायतको टोली शुक्रबार दिउँसो चार्टर विमानबाट भैरहवा पुगेको थियो । कोभिड–१९ ले विश्वव्यापी असर नपारेको भए यतिबेलासम्म भौरहवाबाट अन्तर्राष्ट्रिय उडानको प्रक्रिया सञ्चालन भइसक्ने दाबी आयोजनाले गरेको छ । बाहिरी मुलुकबाट ल्याउनुपर्ने प्राविधिक जनशक्ति उडान अवरुद्धले ल्याउन नसकेकाले काममा केही ढिलाइ भएपनि आयोजनाको कामले निरन्तरता पाएको मन्त्री भट्टराईको दाबी थियो । मन्त्री भट्टराईले एसियाली विकास बैंकसँगको सहमतिमा आयोजनाको म्याद आउँदो डिसेम्बरसम्म थप गरिएको र निर्धारित समयमा पुरा हुनेमा आशावादी रहेको बताए । विमानस्थलको धेरै भौतिक संरचना तयार भइसकेको र उपकरण जडानका लागि चीनबाट आउनु पर्ने करिब ३५ जना प्राविधिकलाई ल्याउने प्रक्रिया अघि बढिसकेको तथा अमेरिका, अष्ट्रिया र थाइल्याण्डबाट आउनु पर्ने प्रविधिकलाई ल्याउन ती मुलुकमा सम्पर्क गरिएको मन्त्री भट्टराईको दाबी थियो ।

आयोजना प्रमुख प्रवेश अधिकारीले समेत आयोजनाको भौतिक संरचना लगभग सम्पन्न भइसकेकाले उपकरण जडानका लागि जतिसक्दो छिटो विदेशी प्राविधिक आउँछन त्यति नै छिटो विमानस्थल सञ्चालनमा आउने जानकारी दिए । भौतिक प्रगति ९३ प्रतिशत देखिएको गौतमबुद्ध अन्तर्राष्ट्रिय विमानस्थल उपकरण जडानका लागि प्राविधिक आएपछिको ३ महिनामा सञ्चालनमा आउने अवस्था देखिएको छ ।

क्याटेगोरी : Breaking News, Breaking News, Nepal, News



प्रतिक्रिया दिनुहोस

-Advertisement-