Techie IT
Saturday October 31, 2020  |   शनिबार, कार्तिक १५, २०७७
गृहपृष्ठ » Breaking News » नेपालमा थपिए ४ हजार ३६४ कोरोना संक्रमित, काठमाडौं उपत्यका उच्च जोखिममा

नेपालमा थपिए ४ हजार ३६४ कोरोना संक्रमित, काठमाडौं उपत्यका उच्च जोखिममा


94 Views

काठमाडौं । पछिल्लो २४ घण्टामा ४ हजार ३६४ जनामा संक्रमण पुष्टि भएसँगै नेपालमा कोरोना संक्रमितको संख्या ९८ हजार ६१७ पुगेको छ । पछिल्लो २४ घण्टामा काठमाडौं उपत्यकामा मात्रै २ हजार ५४० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार काठमाडौंमा २०८५, ललितपुरमा ३२० र भक्तपुरमा १३५ जना संक्रमित थपिएका छन् । नेपालमा सक्रिय कोरोना संक्रमितको संख्या नै २६ हजार ६८४ रहेको छ । पछिल्लो २४ घण्टामा २ हजार ६७५ जना विभिन्न अस्पतालबाट डिस्चार्ज भएसँगै नेपालमा कोरोना जित्नेहरुको संख्या ७१ हजार ३४३ पुगेको छ ।

थप १२ जनाको मृत्यु भएसँगै हालसम्म कोरोना संक्रमणबाट ज्यान गुमाउनेको संख्या ५९० पुगेको छ ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-