एजेन्सी । स्पेनमा कोरोना भाइरसको संक्रमण बढ्दै गएपछि महामारि नियन्त्रणका लागि देशव्यापी आपत्काल घोषणा गरिएको छ । कोरोना फैलावटको जोखिम कम गर्न रात्रिकोलीन कर्फ्यु समेत जारी गरिएको छ ।कोरोना भाइरसको संक्रमणको दोश्रो लहर सुरु भएरफेरि तीव्ररुपमा वृद्धि हुन थालेपछि महामारि नियन्त्रणका लागि यस्तो कदम चालिएको प्रधानमन्त्री पेड्रो सान्चेज्ले जानकारी दिनुभएको हो ।
कर्फ्यु भने राति ११ बजेदेखि बिहान ६ बजेसम्म लागू हुनेछ । कोरोना भाइरसको विश्वव्यापी महामारी देशले सामना गरेको शताब्दीकै सबैभन्दा खराब स्वास्थ्य संकट भन्दै संकटकाल लगाउनु बाध्यात्मक अवस्था भएको प्रधानमन्त्री पेड्रोले बताउनुभएको छ । हरेक नागरिकलाई घरभित्रै बस्न आह्वान गरिएको छ । स्थानीय अधिकारीहरूले संकटकालीन व्यवस्था अनुसार क्षेत्रहरूबीचको यात्रामा समेत रोक्न लगाउन सक्ने बताएका छन् । अहिलेसम्म स्पेनमा कोरोना संक्रमितको संख्या १० लाखभन्दा बढी पुग्दा करिब ३५ हजारको मृत्यु भइसकेको छ ।
यो वर्षको सुरुमा महामारीको पहिलो लहरका बेला विश्वमै कडा प्रतिबन्धहरू लगाउने देशहरूमध्ये स्पेन अग्र स्थानमा देखिएको थियो । अन्य युरोपेली देशहरू जस्तै अहिले स्पेनमा महामारीको दोस्रो लहर देखिएको छ । इटलीले समेत कोभिड–१९ को दोश्रो लहर सुरु भएसँगै नयाँ प्रतिबन्धहरू घोषणा गरेको छ । श्रोत : बीबीसी
लाइभ न्युज
तपाईको प्रतिक्रिया