Techie IT
Wednesday March 3, 2021  |   बुधबार, फाल्गुन १९, २०७७
गृहपृष्ठ » Health-lifestyle » कमेडियन मनोज गजुरेलमा कोरोना संक्रमण, छिट्टै जित्ने दाबी

कमेडियन मनोज गजुरेलमा कोरोना संक्रमण, छिट्टै जित्ने दाबी


186 Views

काठमाडौं । हास्य कलाकार मनोज गजुरेल कोरोना संक्रमित बनेका छन् । कोरोना संक्रमणसँग मिल्दोजुल्दो लक्षण देखिएपछि स्वास्थ्य परीक्षण गराउँदा रिपोर्ट पोजेटिभ आएको गजुरेल आफैंले सामाजिक सञ्जाल मार्फत जानकारी दिनुभएको हो ।

यसअघि गजुरेलका दाजुमा कोरोना संक्रमण देखिएको थियो । दाजुलाई अस्पताल लैजाने–ल्याउने गर्नुभएका गजुरेलले गत विहीबारदेखि सामान्य टाउको देख्ने र ज्वरो आउने भएपछि आइतबार पीसीआर टेष्ट गर्नुभएको थियो । आफूमा गाह्रो हुने खालका लक्षणहरु नदेखिएको र गत विहीबारदेखि नै आइसोलेसनमा रहेको बताउनुभएको छ । ‘मलाई अहिले गाह्रो हुनेखालका सिमटम्स छैनन् तर पनि आफू र अरुको स्वास्थ्यलाई ध्यानमा राखेर गुप्तवासमा रहेको जानकारी गराउन चाहान्छु,’ उहाँले सामाजिक सन्जालमा लेख्नुभएको छ ।

गजुरेलले कोरोना भाइरस हार्ने र आफूले जित्ने दाबी गर्दै अरुलाई पनि सचेत रहन, पोजेटिभ देखिइहाल्यो भने पनि नआत्तिन र चिकित्सकको सम्पर्कमा रहन सुझाव दिनुभएको छ ।

क्याटेगोरी : Health-lifestyle, International, Nepal, News



प्रतिक्रिया दिनुहोस

-Advertisement-