Techie IT
Sunday June 13, 2021  |   आइतवार, जेष्ठ ३०, २०७८
गृहपृष्ठ » Breaking News » अमेरिकी कम्पनी मोडेर्नाले विकास गरेको खोपले कोरोना बिरुद्ध ९५ प्रतिशत सुरक्षा दिने

अमेरिकी कम्पनी मोडेर्नाले विकास गरेको खोपले कोरोना बिरुद्ध ९५ प्रतिशत सुरक्षा दिने


237 Views

काठमाण्डौं । अमेरिकाको औषधि कम्पनी मोडेर्नाले आफूले विकास गरेको खोपले कोभिड–१९ बाट झण्डै ९५ प्रतिशत सुरक्षा दिने दाबी गरेको छ । परिक्षणको पछिल्लो प्रारम्भिक तथ्याङ्कका आधारमा देखिएको खोपको उपलब्धिलाई लिएर मोडेर्नाले यो ‘ठूलो दिन’ भएको बताएको छ । अबको केही हप्ताभित्र खोप प्रयोग गर्नका लागि अनुमति लिन आवेदन दिने मोर्डनाले जनाएको छ ।

केही दिनअघि मात्र फाइजर कम्पनीले उत्पादन गरेको खोपले ९० प्रतिशतसम्म सुरक्षा दिने दाबीसहितका समाचार बाहिरिएको थियो । खोप विकासको पछिल्लो परिणामबाट कोरोना नियन्त्रणमा खोपप्रतिको आत्मविश्वास समेत बढेको छ । कोरोना खोपको खोजमा जुटेका यी दुवै कम्पनीले खोप विकास गर्न अत्यन्त नवीनतम प्रयोगहरू गरेको बताउँदै आएका छन् । यद्यपि अझै पनि प्रारम्भिक डाटा मात्र आएका कारण खोपको प्रयोग र यसले कोरोना रोकथाममा खेल्ने भुमिका बारेका कतिपय प्रश्न अनुत्तरित नै छन् । यो खोपको परीक्षणमा ३० हजार अमेरिकी सहभागी भएको र यी मध्ये आधालाई दुई खेप खोप लगाइएको तथा बाँकीलाई ‘डम्मी’ खोप लगाइएको बताइएको छ । सहभागीमध्ये ९५ जनामा कोरोना सङ्क्रमण देखिएपछि पछिल्लो नतिजा निस्किएको कम्पनीले जनाएको छ । सहभागीमध्ये पाँच जनालाई वास्तविक खोप र ९० जनालाई डम्मी खोप लगाउँदा खोपले ९४ दशमलव ५ प्रतिशतसम्म सुरक्षा दिएको पाइएको कम्पनीले जनाएको छ । परीक्षणमा सहभागीमध्ये ११ वटा कोभिडसँग सम्बन्धित समस्या थिए ।

मोडेर्नाको खोप भण्डारण फाइजर कम्पनीभन्दा सहज हुने बताइएको छ । फाइजरको खोप माइनस ७० डिग्री सेल्सियसमा भण्डारण गर्नुपर्ने भए पनि यसलाई माइनस २० डिग्री सेल्सियस तापक्रममा ६ महिनासम्म स्थिर रुपमा भण्डारण गर्न र एक महिनासम्म फ्रिजमा राख्न सकिने निर्माता कम्पनीले जानकारी दिएको छ । यो खोप सफल भएमा अन्यको तुलनामा धेरैले लाभ लिन सक्नेछन् ।

क्याटेगोरी : Breaking News, Health-lifestyle, International, News



प्रतिक्रिया दिनुहोस

-Advertisement-