Techie IT
Friday June 18, 2021  |   शुक्रबार, असार ४, २०७८
गृहपृष्ठ » Breaking News » काठमाडौंमा ७ लाख नगदसहित ७ जुवाडे पक्राउ

काठमाडौंमा ७ लाख नगदसहित ७ जुवाडे पक्राउ


196 Views

काठमाडौं । काठमाडौँको कुलेश्वरबाट ७ लाखभन्दा बढी नगदसहित ७ जुवाडे पक्राउ परेका छन् । महानगरीय प्रहरी बृत्त कालिमाटीका अनुसार जुवा खेलिरहेको सूचनाका आधारमा पुगेको प्रहरी टोलीले काठमाडौँ–१४ कुलेश्वरस्थित शिब श्रेष्ठको घरबाट ७ लाखभन्दा बढी नगदसहित ७ जनालाई पक्राउ गरेको हो ।

कुलेश्वर घर भई बस्ने बर्ष ४४ को महानगरीय प्रहरी बृत्त कालिमाटीका प्रहरी नायव उपरीक्षक अपिलराज बोहोराले पक्राउ जुवाडेका साथबाट ७ लाख ९४ हजार ८७० रूपैयाँ, विभिन्न बैंकका ११ थान चेक र एक बुक तास बरामद गरिएको जानकारी दिए । पक्राउ पर्नेमा काभ्रे चौरी देउराली गाउँपालिका वडा नं. ६ घर भई कुलेश्वर बस्ने वर्ष ४४ को यादब चौलागाँई ,धादिङ्ग थाक्रे गाउँपालिका वडा नं. ८ घर भई कलंकी बस्ने वर्ष ४१ को राजु पौडेल, चितवन भरतपुर १३ घर भई कुलेश्वर बस्ने वर्ष ३१ को राजिब श्रेष्ठ, वर्ष ४४ को केशब प्रसाद मुडवरी फबारा जितपुर घर भई कलंकी बस्ने वर्ष ४१ को श्याम तामाङ्ग, कैलाली बर्दगोरिया गाउपालिका वडा नं. ३ घर भई कालीमाटी बस्ने वर्ष २८ को प्रेम बडुवाल रहेका छन् ।

उनीहरुलाई जुवा ऐन अन्तर्गत कारबाही अघि बढाइएको प्रहरीले जानकारी दिएको छ ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-