Techie IT
Monday January 25, 2021  |   सोमवार, माघ १२, २०७७
गृहपृष्ठ » Breaking News » डिसेम्बर १५ सम्म नेपाल आउन अनअराइभल भिषा मात्रै, यस्ता व्यक्तिले पाउँछन सुविधा

डिसेम्बर १५ सम्म नेपाल आउन अनअराइभल भिषा मात्रै, यस्ता व्यक्तिले पाउँछन सुविधा


154 Views

काठमाडौं । कोरोना महामारि रोकथामका लागि भन्दै नेपालको अन्तर्राष्ट्रिय सीमाना डिसेम्बर १५ सम्म बन्द गरिएको छ । यहि प्रतिबन्धले सबै प्रवेश विन्दु र खुला सीमानाको जुनसुकै स्थानबाट हुन सक्ने यात्रुको आवागमन निषेध गरेको छ । तर, कतिपय गैरआवासीय नेपाली र विदेशी नागरिक भने विभिन्न सुविधाको उपयोग गर्दै नेपाल आउने तथा जाने गरिरहेका छन् ।

अध्यागमन विभागका अनुसार नेपालस्थित कुटनीतिक नियोग, अन्तर्राष्ट्रिय संघसंस्था र अन्तराष्ट्रिय गैरसरकारी संस्थामा कार्यरत विदेशी र उनीहरुको परिवारलाई अनअराइभल भिषा मार्फत यस्तो सुविधा दिइएको हो । यसबाहेक नेपाली मुलका गैरआवासीय विदेशी नागरिक र उनीहरुको परिवारले समेत यस्तो सुविधा पाएका छन् । विभागका अनुसार यी विदेशी नागरिकले सहज रुपमा निर्वाध नेपाल आउन भने पाउँदैनन् । उनीहरुको ७२ घण्टा भित्रको पिसिआर परिक्षणमा कोरोना नेगेटिभ भएको प्रमाणसमेत साथमै ल्याउनु पर्ने भएको छ । पिसिआर रिर्पोट नेगेटिभ आएका अभिभावकसँगै आउने ५ वर्षभन्दा मुनीका बालबालिकाको हकमा भने पिसिआर अनिवार्य छैन ।

पर्यटक र विदेशी नागरिकलाई संस्थागत सिफारिस आवश्यक
नेपालमा विभिन्न आयोजनामा काम गर्ने कामदार तथा घुमफिरका लागि आउने पर्यटकले भने संस्थागत सिफारिसमा मात्र नेपाल आउन पाउँनेछन् । अध्यागमन विभागका अनुआर यस्ता विदेशी नागरिकले नेपाल आउनु अगाडी गृह वा पर्यटन मन्त्रालय तथा विदेशी कुटनीतिक नियोगबाट पूर्वस्वीकृति र सिफारिस लिनु पर्ने भएको छ ।

पूर्वस्वीकृति पाएको प्रमाणपत्र र राहदानी बोकेर आएको अवस्थामा मात्र प्रवेश बिन्दुमै भिषा प्राप्त गर्ने विभागले जानकारी गराएको छ । यसरी आउने विदेशी र पर्यटकले समेत स्वास्थ सम्बन्धी प्रावधानको अनिवार्य पालना गर्नुपर्ने सर्त राखिएको छ । ७२ घण्टायताको पिसिआर नेगेटिभ रिर्पोट अनिवार्य समेत अनिर्वाय गरिएको छ ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-