Techie IT
Tuesday June 22, 2021  |   मङ्लबार, असार ८, २०७८
गृहपृष्ठ » Breaking News » प्रहरी निरीक्षक ध्रुव शर्माविरुद्ध बहुविवाह र भ्रुण हत्याको मुद्धा

प्रहरी निरीक्षक ध्रुव शर्माविरुद्ध बहुविवाह र भ्रुण हत्याको मुद्धा


701 Views

काठमाडौं, म्याग्दी । बेनी बजारकी स्मृति शर्माले श्रीमानविरुद्ध उजुरी हालेकी छन् । उनले प्रहरी निरीक्षकसमेत रहेका श्रीमान् ध्रुव शर्माविरुद्ध जिल्ला प्रहरी कार्यालय, म्याग्दीमा पुगेर बहुविवाह र गर्भ संरक्षणविरुद्धको कसुरमा मुद्दा दर्ता गराएकी हुन् ।

शर्माले मङ्सिर पहिलो साता जिल्ला प्रहरी कार्यालय म्याग्दीबाट बैदाम प्रहरी चौकी पोखरामा सरुवा भएका प्रहरी निरीक्षक शर्माविरुद्ध बहुविवाह र भ्रुण हत्या गरेको अभियोगमा गर्भ संरक्षणविरुद्धको कसुरमा मुद्दा दर्ता गरेको जिल्ला प्रहरी कार्यालय मुद्दा फाँटका धनबहादुर थापाले जानकारी दिनुभयो । शर्माले श्रीमानले आफूलाई अन्याय गरेको भनी सामाजिक सञ्जालमार्फत न्यायको अपिल समेत गर्दै आएकी छिन । मुद्धा दर्ता भएसँगै आवश्यक कानूनी प्रक्रिया अघि बढेको जिप्रकाले जनाएको छ । फौजदारी कसुरमा मुद्दा दर्ता भएसँगै शर्मा निलम्बनमा पर्ने कानूनी प्रावधान रहेको छ ।

चिनजानबाट प्रेम, शारीरिक सम्बन्ध हुँदै प्रेम विवाह गरेका शर्मा दम्पत्तिबीच पछिल्लो समय सम्बन्धमा खटपट आएको सामाजिक सञ्जालमार्फत सार्वजनिक भएको थियो । श्रीमानले आफूलाई जबर्जस्ती गर्भपतन गर्न लगाएको, विवाह पश्चात घरमा नलगेको, आफूलाई यातना दिने गरेको र सरुवा भएर गएपछि आफूसँगको सम्पर्क छुटाएर अलपत्र पार्ने काम गरेको भन्दै स्मृतिले सामाजिक सञ्जालमा समेत लेख्दै आएकी छिन ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-