Techie IT
Mon, November 29, 2021  |   सोमवार, मंसिर १३, २०७८
गृहपृष्ठ » Breaking News » नेपाली हवाई क्षेत्रलाई कालोसूचिबाट हटाउने प्रक्रिया सुरु भयो : ईयू

नेपाली हवाई क्षेत्रलाई कालोसूचिबाट हटाउने प्रक्रिया सुरु भयो : ईयू


398 Views

काठमाडौं । युरोपेली युनियन ईयूले नेपालको हवाई क्षेत्रमाथी लगाइएको प्रतिबन्ध हटाउने प्रक्रिया सुरु भएको जनाएको छ । अन्तर्राष्ट्रिय नागरिक उड्डयन दिवसको पूर्वसन्ध्यामा ईयूले विज्ञप्तिमार्फत हवाई सुरक्षाको क्षेत्रमा नेपालले बनाएको कानुन र व्यवहारमा देखिएको सुधारका आधारमा नेपालको हवाई क्षेत्रमाथि लगाएको प्रतिबन्ध हटाउने प्रक्रिया सुरु भएको जानकारी गराएको हो ।

नेपालले कालोसूचीबाट पार पाउन तीन चरण पार गर्नुपर्नेछ । पहिलो चरण अन्तर्गत बेल्जियमको ब्रसेल्समा प्राविधिक कमिटिको बैठक हुनेछ ।दोस्रो चरणमा युरोपेली युनियनको हवाई सुरक्षा एजेन्सीका विज्ञ तथा प्राविधिकले नेपालको भ्रमण गर्नेछन् । ईयूका सदस्य देशबाट हुने यो भ्रमणले नेपालले हवाई सुरक्षाको लागि ईयूका मापदण्ड पूरा गरे नगरेको अवलोकन गर्नेछन् । नेपालले गरेका प्रतिबद्धता कार्यान्वयनको अवस्था र स्थलगत अनुगमन टोलीको रिपोर्टका आधारमा तेस्रो चरणमा नेपालमाथिको प्रतिबन्ध हटाउने प्रस्ताव ईयूको हवाई सुरक्षा समितिमा पेस हुनेछ । यसपछि मात्रै नेपालमाथी कायम रहेको प्रतिबन्ध औपचारिक रुपमा फुकुवा हुनेछ ।

युरोपेली युनियनले सन् २०१३ देखि नेपालको हवाई क्षेत्रलाई कालोसूचीमा राख्दै आएको छ । नेपाल सरकारले कर्मचारी तहबाट र मन्त्रीस्तरीय तहबाट कालोसूची हटाउने बारे बारम्बार पहल गर्दै आएको छ ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-