Techie IT
Friday April 16, 2021  |   शुक्रबार, बैशाख ३, २०७८
गृहपृष्ठ » Breaking News » कोरोनाको असर : ठूलो पर्दाका यी कलाकारहरु म्युजिक भिडियोमा व्यस्त

कोरोनाको असर : ठूलो पर्दाका यी कलाकारहरु म्युजिक भिडियोमा व्यस्त


333 Views

काठमाडौं । कोरोना भाइरसको महामारीले धेरैको जनजीवन प्रभावित बनाएको छ । महामारीपछि सिर्जना भएको अवस्थाले कैयन् कलाकारको जीवनमा समेत ठूलो प्रभाव पारेको छ । लामो समयदेखि कामविहीन हुँदा कलाकारको दैनिक जीवनमा फेरबदल देखिएको हो ।

लकडाउन खुकुलो भएसँगै कलाकारहरु एकपछि अर्को म्युजिक भिडियोमा देखा पर्न थालेका छन्। त्यो पनि ठूलो पर्दामा छाएका चर्चित कलाकारहरु पल शाह, पुष्प खड्का, आँचल शर्मा, वर्षा शिवाकोटी, नाजिर हुसेन, आकाश खड्का लगायत कलाकार अहिले लगातार म्युजिक भिडियोमा व्यस्त छन् । त्यसो त राजेश हमालले अभिनय गरेका म्युजिक भिडियो पनि रिलिज भइरहेका छन अहिले । चर्चित कलाकारलाई म्युजिक भिडियोमा लिँदा म्युजिक भिडियोको समेत हाइट बढ्ने भएपछि म्युजिक भिडियो निर्माताले पनि फुर्सदिला बनेका ठूलो पर्दाका कलाकारलाई लिन थालेका छन् ।

पछिल्लो समय कलाकार तथा मोडल पल शाहले अभिनय गरेका म्युजिक भिडियो सबैभन्दा बढी रिलिज भएका छन् । म्युजिक भिडियोमा महंगो पारिश्रमिक लिने कलाकार पनि उनै हुन् । उनीसँगै नाजिर हुसेन, आकाश श्रेष्ठ, पुष्प खड्का लगायत पनि कोरोना कहरकाबीच म्युजिक भिडियोमा जमेका छन् । यस्तै वर्षा शिवाकोटी, आँचल शर्मा, केकी अधिकारी लगायतका चर्चित कलाकारहरु पनि म्युजिक भिडियोमा देखिएका छन् । ठूलो पर्दामा डेब्यु गरेकी एजिला गौतम समेत पछिल्ला समयमा म्युजिक भिडियोहरुमा छाईरहेकी छिन् ।

कोरोनाको जोखिम यथावत भएपनि पछिल्लो समय फिल्म निर्माणको घोषणा पनि हुन थालेको छ । केही फिल्मको धमाधम छायांकन भइरहेको छ । यता कोरोना भाइरसका कारण ठप्प भएको फिल्म क्षेत्र चलायमान हुन अझै केही समय लाग्ने देखिदा लोकदोहोरी क्षेत्रका रात्रीकालिन व्यवसायमा जोडिएका कलाकारहरु बेरोजगार बनेका छन् । ठूलो पर्दाका कलाकारहरु म्युजिक भिडियोमा देखिने र निर्माताले पनि उनीहरुतिरै ध्यान दिदा म्युजिक भिडियोका कलाकारहरु पलायन हुने अवस्थामा छन् ।

क्याटेगोरी : Breaking News, Entertainment, News



प्रतिक्रिया दिनुहोस

-Advertisement-