Techie IT
Wednesday May 12, 2021  |   बुधबार, बैशाख २९, २०७८
गृहपृष्ठ » Breaking News » प्राविधिक र व्यवस्थापकिय तयारी तिब्र, कहिले आउँछ नेपालमा कोरोनाविरुद्धको खोप ?

प्राविधिक र व्यवस्थापकिय तयारी तिब्र, कहिले आउँछ नेपालमा कोरोनाविरुद्धको खोप ?


248 Views

काठमाडौं । नेपालमा कोरोना भाइरसविरुद्धको भ्याक्सिन आयातका लागि स्वास्थ्य तथा जनसंख्या मन्त्रालयले प्राविधिक र व्यवस्थापकीय तयारी तिब्र पारेको छ । रपनि कुन देशको भ्याक्सिन, कुन प्रक्रियाबाट नेपाल ल्याउने भन्ने टुंगिएको छैन । विश्व स्वास्थ्य संगठनले अहिलेसम्म कुनै पनि भ्याक्सिनलाई प्रमाणीकरण नगरेका कारण पनि कुन देशले उत्पादन गरेको भ्याक्सिन ल्याउने भन्ने अझै निर्णय हुन नसकेको हो ।

अहिलेसम्म विभिन्न देशले उत्पादन गरेको भ्याक्सिन ट्रायलका क्रममा छन् । स्वास्थ्य मन्त्रालयका अनुसार नेपालमा भ्याक्सिन ल्याउन प्राथमिकताका आधारहरू भने तय गरिएका छन् । सरकारले सुरक्षित, लाइसेन्स प्राप्त, भौतिक संरचना, पूर्वाधारसँग मिल्ने र कम मूल्यलाई आधार मानेर भ्याक्सिन आयात गर्ने बताइएको छ । अहिलेसम्म फाइजर भ्याक्सिनले मात्रै बेलायत, बहराइन र अमेरिकामा आम मानिसमा आपतकालिन प्रयोगका रुपमा अनुमति पाएको छ ।

कोभिड भ्याक्सिन प्राविधिक सल्लाहकार समितिका संयोजकसमेत रहेका खोप विज्ञ डा. श्यामराज उप्रेतीले फाइजरले बनाएको भ्याक्सिन माइनस ७० डिग्रीमा राख्नुपर्ने भएकाले यसका लागि आवश्यक भण्डारण पूर्वाधार नेपालसँग नभएका कारण नेपालको भण्डार क्षमता हावापानी लगायतका हिसाबले खोप छनोट हुने जानकारी दिनुभएको छ ।

क्याटेगोरी : Breaking News, Health-lifestyle, Nepal, News



प्रतिक्रिया दिनुहोस

-Advertisement-