Techie IT
Tuesday January 19, 2021  |   मङ्लबार, माघ ६, २०७७
गृहपृष्ठ » Breaking News » स्काउटमा राजनीति हाबी भएको भन्दै स्काउटकर्मी आन्दोलित

स्काउटमा राजनीति हाबी भएको भन्दै स्काउटकर्मी आन्दोलित


83 Views

काठमाडौं । स्काउटभित्र राजनीति हाबी भएको भन्दै‍ स्काउटकर्मीहरुले विरोध प्रदर्शनलाई तिब्रता दिएका छन् । विभिन्न जिल्ला स्काउट कार्यालयमा १० बुँदे मागसहित तालाबन्दी गरेको नेपाल स्काउट सघर्ष समितिले लैनचौरस्थित स्काउट कार्यालयमा प्रदर्शन गरेको हो ।

आन्दोलनमा उत्रिएका स्काउटकर्मीहरुले स्काउटभित्र गैर स्काउटहरुको हावी भएको भन्दै स्काउटको शुद्धीकरण र सम्पती रक्षाका लागि विरोध प्रदर्शनमा उत्रनु परेको जानकारी दिएका छन् । संघर्ष समितिका संयोजक पुण्यराम गोथेले जिल्ला कमिटी खारेज गरेर प्रदेश कमिटी गठन गर्दा गठित तदर्थ समितिमा राजनैतिक दलका कार्यकर्ताहरुलाई भर्ती गरिएको आरोप लगाए । समितिले व्यक्तिगत पूर्वाग्रहबाट माथि उठेर संस्थाको रक्षाका लागि एकजुट हुन समेत सम्पूर्ण स्काउटकर्मीलाई आह्वान गरेको छ ।

६ महिना भित्र स्काउटको निर्वाचन गराइसक्नुपर्ने म्याण्डेटसहित युवा तथा खेलकुद मन्त्रालयले स्काउट संयोजकको जिम्मेवारी लोकबहादुर भण्डारीलाई दिएको भएपनि ऐन जारी भएको २१ महिनासम्म पनि निर्वाचन नगरेको आरोप संघर्ष समितिले लगाएको छ ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-