Techie IT
Fri, September 24, 2021  |   शुक्रबार, अशोज ८, २०७८

Grow your business

गृहपृष्ठ » Breaking News » चिनियाँ उच्च अधिकारी नेपाल आउँदै, नेकपा फुटेकोमा बिशेष चासो

चिनियाँ उच्च अधिकारी नेपाल आउँदै, नेकपा फुटेकोमा बिशेष चासो


343 Views

काठमाडौं । नेपालको राजनीतिक घटनाक्रमबारे प्राय मौन बसेको उत्तरी छिमेकी चीनले पछिल्लो राजनीतिक घटनाक्रममाथी भने बिशेष चासो राख्न थालेको छ । यहि चासोसहित चीनिया उच्च अधिकारी आइतबार काठमाडौं आउदैछन् ।

चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौकोको नेतृत्वको टोली नेकपाक विभाजनमा विशेष चासो राख्दै काठमाडौं आउन लागेको बताइएको छ । नेकपा दुई टुक्रा भएसँगै चिनियाँ कम्युनिस्ट पार्टीले चिन्ता व्यक्त गर्दै आएको छ । उपमन्त्री येचौकोले नेकपाका शीर्ष नेताहरुसँगै भेट्ने भ्रमण तालिका रहेको छ । भ्रमणबारे नेकपा र काठमाडौंस्थित चिनियाँ दूताबासले खुलाएको छैन ।

यसअघि चिनियाँ राजदूत होउ यान्छीले राष्ट्रपति, प्रधानमन्त्रीका साथै नेकपाका शीर्ष नेताहरुलाई भेटेर पार्टीको विवाद र राजनीतिक घटनाक्रम कसरी अगाडि बढ्छ भन्ने चासो राखेकी थिइन् । चीनले संसद विघटन र नेकपामा आएको फुटबारे औपचारिक प्रतिक्रिया भने दिएको छैन । चिनियाँ सरकारी सञ्चारमाध्यममा प्रकाशित सामाग्रीहरुले पछिल्लो घटनाक्रमप्रति चीन खुसी छैन भन्ने स्पष्ट सन्देश भने दिदै आएका छन् ।

क्याटेगोरी : Breaking News, International, Nepal, News



प्रतिक्रिया दिनुहोस

-Advertisement-