Techie IT
Thursday April 15, 2021  |   बिहिबार, बैशाख २, २०७८
गृहपृष्ठ » Breaking News » यमनमा प्रधानमन्त्री र मन्त्रि लक्षित विस्फोट, २२ जनाको मृत्यु (भिडियोसहित)

यमनमा प्रधानमन्त्री र मन्त्रि लक्षित विस्फोट, २२ जनाको मृत्यु (भिडियोसहित)


176 Views

एजेन्सी । यमनको एडन विमानस्थलमा प्रधानमन्त्री र मन्त्रिपरिषद सदस्यहरूलाई लक्षित गरी भएको आक्रमणमा परेर कम्तीमा २२ जनाको मृत्यु भएको छ । आक्रमणमा ५० भन्दा बढी घाइते भएको जनाइएको छ । द्वन्द्वग्रस्त यमनका नवनियुक्त मन्त्रीहरू सवार विमान अरेबियाबाट आएर अवतरण गरेको केहीबेरमै विस्फोट भएको अन्तर्राष्ट्रिय सञ्चारमाध्यमले जनाएका छन् ।

सहायतामा जुटेकाहरू पनि अन्धाधुन्ध चलाइएको गोलीबाट हताहत भएको जनाइएको छ । प्रधानमन्त्री मीन अब्दुल मलिकले आफू र मन्त्रिपरिषद् सदस्यहरू ‘सकुशल’ रहेको बताएका छन् ।

यमनको समाचार पोर्टल अल–मस्दरका अनुसार श्रम मन्त्रालयका उपसचिव मारिएको र दुई जना उपमन्त्री घाइते भएका छन् । सूचना मन्त्रीले हुथी विद्रोहीहरूले ‘कायरतापूर्ण आतङ्कवादी कार्य’ गरेको आरोप लगाएका छन् । बीबीसीको एउटा भिडिओ फुटेजमा यात्रीहरू उत्रिँदै गरेका बेला ठूलो विस्फोट भएको देख्न सकिन्छ । मन्त्रीहरूको स्वागतका लागि पुगेकाहरुबीच नै एयरपोर्ट टर्मिनलबाट बाक्लो धुवाँ निस्किएपछि भागाभाग मच्चिएको थियो ।

हेरौँ बीबीसीको भिडियो

कम्तीमा दुई वटा विस्फोट भएको र त्यसको केही बेरमै बन्दुक प्रहारको आवाज सुनिएको जनाइएको छ । साउदी अरेबियाले नेतृत्व गरेको अरब राष्ट्रहरूको समूहले हुथी विद्रोहीहरूलाई परास्त गर्न र राष्ट्रपति अब्दराबा मन्सुर हादीको शासन स्थापित गर्न सैन्य कारबाही सुरु गरेसँगै यमनमा आक्रमणका घटना बढ्न थालेका छन् । सन् २०१५ देखि द्वन्द्वको चपेटामा परेको यमनमा अहिलेसम्म १ लाख १० हजार भन्दा बढीले ज्यान गुमाइसकेका छन् ।

क्याटेगोरी : Breaking News, News



प्रतिक्रिया दिनुहोस

-Advertisement-