Techie IT
Monday July 26, 2021  |   सोमवार, साउन ११, २०७८
गृहपृष्ठ » Breaking News » पिठ्युमा छोरा बोकेर रिक्सा चलाउँदा भाइरल भएका अर्जुन बिक पक्राउ, कारण यस्तो

पिठ्युमा छोरा बोकेर रिक्सा चलाउँदा भाइरल भएका अर्जुन बिक पक्राउ, कारण यस्तो


454 Views

काठमाडौं । छोरालाई पिठ्युमा बोकेर रिक्सा चलाएको फोटो सामाजिक संजालमा सार्वजनिक भएसँगै भाइरल बनेका अर्जुन बिक प्रहरीबाट पक्राउ परेका छन् । बिकलाई जबरजस्ती करणी, अपहरण र शरीर बन्धक अभियोगमा जिल्ला प्रहरी कार्यालय कैलालीले पक्राउ गरेको हो ।

जिल्ला प्रहरी कार्यालय कैलालीले अदालतले जारी गरेको पक्राउ पुर्जीका आधारमा गत ८ गते अर्जुनलाई काठमाडौंबाट पक्राउ गरेर कैलाली ल्याइएको जानकारी दिएको छ । अर्जुनविरुद्ध गत भदौ ११ गते नै जिल्ला प्रहरी कार्यालय कैलालीमा अभियोग पत्र दर्ता भएको थियो । १३ वर्षीया बालिकालाई अपहरण गरी शरिर बन्धक बनाई अर्जुनले २०७३ जेठ ३० गते काठमाडौं महानगरपालिका १० देवीनगरस्थित कोठामा डर, धाक, धम्की दिई जबरजस्ती करणी गरेको आरोप लगाइएको छ । यसरी उजूरी दिनेमा अरु कोही नभएर उनकै श्रीमती लक्ष्मी बिक हुन् । जिल्ला अदालत कैलालीबाट म्याद थप अनुमति लिएर अर्जुनमाथी थप अनुसन्धान भइरहेको जिल्ला प्रहरी कार्यालय कैलालीले जानकारी दिएको छ ।

घोडाघोडी नगरपालिका–२ साँडेपानीका २४ वर्षीय बिकको केही समय अगाडि सामाजिक सञ्जालमा एउटा तस्बिर भाइरल भएको थियो । उनले आफ्नो सानो छोरालाई आफैले लगाएको सर्टले पिठ्युँमा बोकेर ठेला गुडाउँदै गरेका थिए । तस्बिर भाइरल भएपछि उनले छोरो जन्मिएको ४ महिनापछि श्रीमतीले छाडेर गएको र आफैले दुःख गरेर छोरालाई हुर्काइरहेको बताएका थिए । उनको जीवनीमा आधारित ‘बिहानी’ बोलको गीत र भिडियो चलचित्र समेत सार्वजनिक भएको थियो ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-