Techie IT
Fri, September 24, 2021  |   शुक्रबार, अशोज ८, २०७८

Grow your business

गृहपृष्ठ » Australia » मार्च २८ मा ब्रिसबेनमा भलिवल प्रतियोगिता हुदै

मार्च २८ मा ब्रिसबेनमा भलिवल प्रतियोगिता हुदै


517 Views

ब्रिसबेन, अष्ट्रेलिया । युनाईटेड गोर्खा भलिबल क्लब, ब्रिसबेनले एक दिने खुल्ला भलिबल प्रतियोगिता आयोजना गर्ने भएको छ । स्वास्थ्यका लागि खेलकूद भन्ने मूल नाराका साथ नेपालीहरुको विशेष पर्व फागु पुर्णिमाको अवसर पारेर २०२१ मार्च २८ आइतबारका दिन एक दिने खुल्ला भलिबल प्रतियोगिता आयोजना गर्न लागिएको हो ।

भलिबल प्रतियोगिता लगायतका सम्पूर्ण कार्यक्रम ARC Hill Park, Goss Road, Virginia, क्विन्सल्याण्डमा बिहान १०:०० बजे देखि बेलुकी ७:०० बजे सम्म आयोजना हुने बताइएको छ । प्रतियोगितामा उल्लेखनीय संख्यामा सहभागी टोलीहरुबीच हुने प्रतिस्पर्धात्मक र रोचक भलिबल खेलको अलावा स्वादिष्ट नेपाली खानाका प्रकार उचित मूल्यमा उपलब्ध हुने आयोजकको दाबी छ । यस्तै बालबालिकाको लागी रमाइलो खेलहरु, सांगीतिक र सामुहिक होली खेल्ने कार्यक्रमहरु पनि आयोजना हुने जनाइएको छ ।

यस्ता किसिमका कार्यक्रमले विदेशी भुमीमा रहेका नेपालीहरु बिच आपसी समन्वय तथा भाइचारा बढाउने युनाईटेड गोर्खा भलिबल क्लबका नवराज भण्डारीले बताउनुभयो । सबैको प्रिय खेललाई नयाँ पुस्ता माझ परिचित र अझ ब्यापक बनाउन समेत भलिबल प्रतियोगिता आयोजना गर्न लागिएको बताइएको छ ।

क्याटेगोरी : Australia, Breaking News, News



प्रतिक्रिया दिनुहोस

-Advertisement-