Techie IT
Thursday August 5, 2021  |   बिहिबार, साउन २१, २०७८
गृहपृष्ठ » News » राजदूत विवाद बारे बल्ल मुख खाेल्याे एनआरएन अष्ट्रेलियाले

राजदूत विवाद बारे बल्ल मुख खाेल्याे एनआरएन अष्ट्रेलियाले


293 Views

सरल/सिड्नी

अष्ट्रेलियाका लागि नेपाली राजदूत लक्की शेर्पामाथी लागेकाे मानव तस्करी आराेपकाे सत्यतथ्य छानविन गर्न गैरआवासिय नेपाली संघ अष्ट्रेलिया (एनआरएनए) ले माग गरेकाे छ । 

आराेप लागेकाे दुई हप्तापछि मात्रै एनआरएनएले अाैपचारिक धारणा सार्वजनिक गरेकाे हाे । राजदूतमाथी गम्भिर आराेप लागेपछि यहाँकाे नेपाली समाजमा तरंग आएकाे छ । सामाजिक संजालमा एनआरएनएकाे अाैपचारिक धारण माग हुदै आएकाे थियाे । तर, संघका पदाधिकारीहरु भने संघकाे बैठकपछि मात्रै अाैपचारिक धारणा राख्ने भन्दै पन्छिदै आएका थिए । 

बढ्दाे दवावका बिच गत शनिवार संघकाे केन्द्रिय समितिकाे बैठकमा राजदूतबारे छलफल भएकाे थियाे । 

राजदूत विवादबारे छानविन छिटाे हाेस् – एनआरएनए अष्ट्रेलिया

बैठकपछि संघका प्रवक्ता डिला खरेलले जारी गरेकाे वक्तव्यमा भनिएकाे छ- 

“आदरणीय अग्रज, गैर आवासीय नेपाली समुदाय एवम्  प्रिय साथी हरू एन.आर.एन आस्ट्रेलिया अहिले नेपाली राजदुतावास अष्ट्रेलिया, क्यानवेरास्थित महामहिम राजदूत  लक्की शेर्पामाथी   लगाइएको आरोप तथा उक्त आरोप पश्चात नेपाली राजदुतावास अस्ट्रेलिया क्यानवेरा द्वारा आफ्नो धारणा सहित प्रकाशित प्रेस विज्ञप्तिका वारेमा जानकार रहेको र हाम्रो ध्यानाकर्षण भएको जानकारी गराऊदछाै”

एनआरएनए अष्ट्रेलियाले जारी गरेकाे प्रेस विज्ञप्ती

विज्ञप्तीमा राजदूतमाथी लागेकाे आराेप बारे संघ गम्भीर रहेकाे पनि भनिएकाे छ । 

घटना बारे छानविन गर्न गैरआवासिय नेपाली संघ तयार रहेकाे पनि विज्ञप्तीमा भनिएकाे छ । 

आफ्नै चालकले मानव तस्करीकाे आराेप लगाएपछि विवादमा तानिएकी राजदूत लक्की शेर्पाबारे परराष्ट्र मन्त्रालयले छानविन गरिरहेकाे छ । छाेटै समयमा नेपाल र अष्ट्रेलियाकाे कुटनीतिक सेतु बनेकी राजदूत शेर्पा आफ्नाे बयान दिन नेपाल जानु भएकाे छ । 

 

क्याटेगोरी : News



प्रतिक्रिया दिनुहोस

-Advertisement-