किन्ने हो, पुष्कर शाहको साइकल ? गाला डिनर आज

सरल गुरुङ/सिड्नी
विश्व साइकल यात्री पुष्कर शाहले आफ्नो साइकल लिलामी गर्ने भएका छन् ।
पुष्कर शाह फाउण्डेसनले बिहिबार सिड्नीको रकडेलमा गर्न लागेको च्यारिटी डिनरको कार्यक्रममा शाहले आफुले चढेको साइकल लिलाम बिक्री गर्न लागेको हो ।
१ सय ५० वटा देश साइकलमा घुमेका शाह पछिल्लो समय स्वदेशमा संघर्ष गरिरहेका छन् । आर्थिक अभावले सताउन थालेपछि उनी केही महिनाअघि अष्ट्रेलिया आएका हुन् । उनकै सहयोगमा सिड्नीका जुजारु युवाहरुले च्यारिटी डिनरको आयोजना गरेका हुन् ।
च्यारिटी कार्यक्रममा पुष्कर शाहको साइकलको मोल बडाबड गरि बिक्री गरिने आयोजकले जनाएको छ ।

साइकल कस्तो छ ?

लिलामीमा राखिएको साइकल पुष्करले विश्व भ्रमण गरेको साइकल भने होइन । तर, यो साइकल चढेर पुष्कर शाहले सन् २०१४ मा अष्ट्रेलिया परिक्रममा भने गरेका थिए ।
सिड्नीबाट सुरु भएको साइकल यात्रा क्यानवेरा, मेलवर्न, एडिलेट, डार्विन, क्यानबेरा हुदै १२ हजार किलोमिटर दौडेर सिड्नीमै फर्किएर टुगिंएको थियो ।

यो साइकल चढेर पुष्कर शाहले सन् २०१४ मा अष्ट्रेलिया परिक्रममा भने गरेका थिए

त्यस्तै पुष्कर शाहलाई सहयोग गर्न सिड्नीका कलाकार पेन्टर कृष्णले पनि आफ्नो पेन्टिङ लिलामीमा राख्दै छन् ।
च्यारिटीबाट उठेको रकमले काठमाडौमा ‘पुष्कर दाईको चिया पसल’ नामक रेष्टुरेन्ट खोलिने तयारी छ ।
पुष्कर शाहको च्यारिटीमा तपाइ पनि आउने हैन त ?