Techie IT
Sat, September 25, 2021  |   शनिबार, अशोज ९, २०७८

Grow your business

गृहपृष्ठ » Breaking News » एनआरएनए यूएइका अध्यक्ष कोइराला र उपाध्यक्ष शेर्पा पदबाट निलम्बित, कारण यस्तो

एनआरएनए यूएइका अध्यक्ष कोइराला र उपाध्यक्ष शेर्पा पदबाट निलम्बित, कारण यस्तो


258 Views

काठमाडौं, दोहा । कोरोना पीडित नेपाली श्रमिकलाई उद्दार तथा सहयोग गर्न दिएको रकम हिनामिना गरेको आरोप लागेका एनआरएनए यूएइका अध्यक्ष प्रकाश कोइराला र उपाध्यक्ष पासाङ शेर्पा पदबाट निलम्बित भएका छन् । गैरआवासीय नेपाली संघ (एनआरएनए)ले आइएलओले कोरोना पीडित नेपाली श्रमिकलाई उद्दार तथा सहयोग गर्न दिएको रकम आरआर आर प्रोजेक्टमार्फत अनियमितता भएको भनि छानबिन समितिले दिएको प्रतिवेदनका आधारमा कोइराला र शेर्पालाई निलम्बन गरिएको जानकारी दिएको हो ।

मध्यपूर्व तथा मलेसियामा कोभिड–१९ बाट प्रभावित भई रोजगारी गुमाएका नेपाली कामदारहरुलाई राहत तथा स्वदेश फिर्तीमा सघाउन आइएलओको सहयोगमा सञ्चालित परियोजनाबारे कार्य समितिलाई जानकारी नदिई काठमाडौँमा खाता खोल्ने, काठमाडौँबाट हुण्डी गरेर पैसा झिकाउने जस्ता काममा अध्यक्ष कोइराला तथा उपाध्यक्ष शेर्पाको संलग्नता देखिएको आधारमा निलम्बन गर्न सिफारिस गरिएको थियो । युएईमा कार्यरत नेपाली कामदारका नाममा कोइराला र उपाध्यक्ष शेर्पाले अनियमितता गरेको आरोप लागेपछि आइसीसी सदस्य राजु केसीको संयोजकत्वमा छानबिन समिति गठन गरेको छानविन अघि बढाइएको थियो । समितिले ८४ पृष्ठ लामो प्रतिवेदन आइसीसीलाई बुझाएको छ । उक्त प्रतिवेदनमा ६२ हजार दिराम अनियमितता गरेको निष्कर्ष निकालेको छ । निलम्बनसँगै पदीय हिसाबले कुनै पनि क्रियाकलापमा सहभागी हुन् नपाउने यूएईबासी नेपालीहरुमा संघले जानकारी गराईएको छ ।

साथै, गैरआवासीय नेपाली संघ यूएईले कोरोनाका करण नेपाली समस्यामा परेका भए वा घर फिर्तीमा समस्या भएका व्यक्ति कसैले देखेको भए एनआरएनएलाई खबर गर्न अनुरोध पनि गरेको छ ।

यस्तो छ, गैरआवासीय नेपाली संघले जारी गरेको विज्ञप्ति :

क्याटेगोरी : Breaking News, International, News



प्रतिक्रिया दिनुहोस

-Advertisement-