Techie IT
Wednesday May 12, 2021  |   बुधबार, बैशाख २९, २०७८
गृहपृष्ठ » Breaking News » विदेश जान अब सरकारी बाहेक यी पाँचवटा निजी अस्पतालको पीसीआर रिपोर्टलाई मात्रै मान्यता

विदेश जान अब सरकारी बाहेक यी पाँचवटा निजी अस्पतालको पीसीआर रिपोर्टलाई मात्रै मान्यता


93 Views

काठमाडौं । नेपालमा नक्कली पीसीआर रिपोर्ट बनाउने गरेको घटना बाहिरिएसँगै अब विदेश जानका लागि सिमित प्रयोगशालाहरूको परीक्षणलाई मात्र मान्यता दिइने भएको छ । राष्ट्रिय जनस्वास्थ्य प्रयोगशालाले सबै सरकारी अस्पताल र केही निजी अस्पताललाई मात्र परिक्षणको मान्यता दिएको हो ।

विदेश जानका लागि पीसीआर परिक्षणको मान्यता पाउने निजी अस्पतालमा स्टार अस्पताल, नेपाल मेडिसिटी अस्पतल, मनमोहन मेमोरियल मेडिकल कलेज एण्ड टिचिङ हस्पिटल, युनिभर्सल मेडिकल कलेज भैरहवा र ह्याम्स हस्पिटल मात्र रहेका छन् ।

गत मंगलबार मात्रै महानगरीय प्रहरी अपराध महाशाखाको टोलीले सिनामंगलस्थित सूर्या हेल्थ केयरको ल्यावमा छापा मारेर केही नक्कली रिपोर्ट बरामद गर्नुका साथै संलग्न ८ जनालाई पक्राउ गरी अनुसन्धान अघि बढाएको थियो । सोही घटनाका आधारमा बुधवार पीसीआर परीक्षणको नेगेटिभ रिपोर्टसहित अन्य कागजात बोकेर एयरपोर्ट पुगेका १३६ जनालाई टर्मिनलबाटै फर्काइएको थियो ।

पीसीआर परीक्षणको रिपोर्ट नक्कली भएको भन्दै प्रहरीले विमानस्थलबाट फर्काएकाहरु अहिले सरकारसँगै बिचल्नी गराएको भन्दै असन्तुष्टि पोखिरहेका छन् । नेपाल सरकारले सुर्या हेल्थ केयरलाई पीसीआर परीक्षणको अनुमति दिएपछि अनुगमन पनि सरकारले नै गर्नुपर्ने होइन र ? भन्दै पीडितले प्रश्न गरिरहेका छन् ।

क्याटेगोरी : Breaking News, Health-lifestyle, Nepal, News



प्रतिक्रिया दिनुहोस

-Advertisement-