Techie IT
Friday June 18, 2021  |   शुक्रबार, असार ४, २०७८
गृहपृष्ठ » Breaking News » नेपालमा कोरोना : ५ हजार ७०६ संक्रमित थपिदा ५११ जना आईसीयू र भेन्टिलेटरमा

नेपालमा कोरोना : ५ हजार ७०६ संक्रमित थपिदा ५११ जना आईसीयू र भेन्टिलेटरमा


151 Views

काठमाडौं । पछिल्लो २४ घण्टामा नेपालभर ५ हजार ७ सय ६ जनामा कोरोना संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार देशभरका प्रयोगशालामा १४ हजार ४ सय ३ पीसीआर परीक्षण गर्दा ५ हजार ७ सय ६ जनामा कोरोना संक्रमण पहिचान भएको हो । यस्तै ५ सय ५५ एन्टिजेन विधिबाट गरिएको परीक्षणमा ५७ जनामा कोरोना पोजिटिभ देखिएको छ ।

यो सँगै नेपालमा कोरोना संक्रमितको संख्या ३ लाख २८ हजार ८ सय ९३ पुगेको छ । पछिल्लो २४ घण्टामा १२ सय ८७ जना डिस्चार्ज भएसँगै कोरोना जित्नेहरुको संख्या २ लाख ८२ हजार ३ सय ८२५ पुगेको छ । पछिल्लो २४ घण्टामा १९ जनाको मृत्यु भएसँगै कोरोनाबाट ज्यान गुमाउनेको संख्या ३ हजार २ सय ९८ पुगेको छ । अहिले आइसोलेसनमा ४३ हजार २ सय १३ जना रहेकोमा ४० हजार १०३ जना होम आइसोलेसनमा र ३ हजार ११० जना विभिन्न अस्पतालका संस्थागत आइसोलेसनमा रहेका छन् । अहिले क्वारेन्टाइनमा ६७ जना छन् ।

देशभरका विभिन्न अस्पतालमा रहेका उपचाररत संक्रमित मध्ये ४०१ जनाको आईसीयू र ११० जनाको भेन्टिलेटरमा उपचार भइरहेको छ । हालसम्म २४ लाख ८८ हजार ३ सय ५९ पीसीआर परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

पछिल्लो २४ घण्टामा कहाँ कति संक्रमित थपिए ?

काठमाडौं जिल्लामा १ हजार ९३२, ललितपुरमा ३५५ र भक्तपुरमा २०८ जना, बाँकेमा ५५१, रुपन्देहीमा ४२२, दाङमा २५१, कास्कीमा २१२, चितवनमा १७७, पर्सामा १६३, कैलालीमा १२५ तथा काभ्रेमा १०५, सुर्खेतमा ९७, मकवानपुरमा ७१, सुनसरीमा ६९, गोरखामा ६७, नवलपरासी पूर्वमा ४३, बारामा ४१, कञ्चनपुरमा ३७, नुवाकोटमा ५३, सिन्धुपाल्चोकमा ३५, मोरङमा ३४ र सल्यानमा २५ जना संक्रमित थपिएका छन् ।

क्याटेगोरी : Breaking News, Health-lifestyle, Nepal, News



प्रतिक्रिया दिनुहोस

-Advertisement-