Friday, 5 January 2024
जोड्दैछौ अष्ट्रेलियाका नेपाली
HomeBreaking Newsचीनीयाँ कम्युनिष्ट पार्टीले किन गर्दैछ ईसाई धर्मावलम्बीहरुमाथि कडाई ?

चीनीयाँ कम्युनिष्ट पार्टीले किन गर्दैछ ईसाई धर्मावलम्बीहरुमाथि कडाई ?


काठमाडौं । चीनको वर्तमान राजनीतिक स्वरुपमा ईसाई धर्मलाई बन्देज लगाइन थालिएको छ । सन् २०२० को डिसेम्बर महिनामा सेन्जेन शहरमा बाइबलको अडियो बेचिरहेका ४ जनालाई प्रशासनले पक्राउ गरि गोप्य ट्रायलमा राखेको थियो । सेन्जेनको घटनाले नै चीनको नेतृत्वले ईसाई धर्मप्रति देखाएको बन्धनकारी नीतीलाई उजागर गरेको हो । यसरी आस्थाको आधारमा जबरजस्ती मानव अधिकारका आधारभूत कुराहरु सम्म मिच्दै जाने नीति राष्ट्रपति सिजिगंपीनको रणनीति भएको बताइएको छ ।

चीनका सर्वोच्च नेता राष्ट्रपति सिजिगंपीनले आफ्नै हिसाबले समाजवाद र कम्यूनिजमको सैद्धान्तिक आधारशीलामा बाइबल र ईसाई धर्मलाई अपव्याख्या गरेको आरोप विश्व समुदायले लगाइरहेको छ । सेन्जेन घटनाका ४ जनालाई ५ वर्षको कारागार सजाई दिइदा अर्का एकजना जस्ले उक्त अडियो बाइबलका संस्करणहरुका लागि उत्पादन गरेका थिए, ति व्यक्तिलाई पनि ५ वर्षको कारागार सजाय सुनाइएको थियो । कुरा यतिमात्रमा सिमीत भएन, ति व्यक्तिहरुका परिवारजनलाई प्रशासनले सजाय र कारवाहीका कुराहरु गोप्य राख्न पटक पटक दबाब समेत दिँदै आयो । यस्ता घटनाहरु पश्चिमा सञ्चार माध्यमहरुमा नआओस भन्ने कुराहरुलाई चीनका शासकहरुले विशेष ध्यानमा राखेको पाइन्छ ।

यद्धपी चीनमा यसरी ईसाई धर्मावलम्वीहरु माथी भएका दमनका लज्जास्पद घटनाहरु अमेरिकामा आधारित केहि मिडियाहरुले केन्द्रमा राखेर प्रकाशन गर्दैआएका छन् । सर्वोच्च कमाण्डरको सिनिसाइजेशन नीतिलाई धेरै ठाँउमा उद्धत गरेको पाइन्छ । यस नीति अनुसार चीनमा वसोवास गरेका गैर चाइनीज समुदायलाई चीनको मुलधारको संस्कार, भाषा र रहनसहनमा जबरजस्ती ल्याइनु भन्ने रहेको छ । यस नीति अनुरुप चीनमा रहेका ईसाईहरुलाई घरमै राख्ने, चर्च र पास्टरभन्दा पर राख्ने नीति रहेको पाइन्छ । हजारौं चर्चहरुलाई बन्द गराएर सरकारी कार्यालय बनाइएको या त भत्काएर नष्ट गरिएको छ । चीनमा रहेका ईसाई पास्चरहरुलाई धर्म मान्नका लागि समेत लाइसेन्स चाहिने नीति छ ।

ईसाई धर्मावलम्बीहरुलाई धार्मिक भेला गर्न देखि सामुहिक रुपमा चाडपर्व मनाउन सम्म पूर्व अनुमति लिनुपर्ने प्रावधान छ । यसरी अनुमति लिएपनि चर्चमा धार्मिक सभा र सामुहिक भेला गर्न पाँइदैन, प्रशासनले तोकेको ठाँउमा मात्र यस्ता सभासम्मेलन गर्न पाइन्छ । प्रशासनको यस्तो बन्देजका कारणले चीनका ईसाई समुदायले अनलाइनमा आफूहरुले धर्म त्याग गरेको घोषणा गरुन भन्ने मनसाय रहेको बताइन्छ । ईसाई विरुद्धको चीनको प्रशासनको अहिलेसम्मको सबैभन्दा अभियान चाँही चीनमा बाइबलको बन्देज लगाउने कदम हो । चीनमा बाइबल बोकेको आधारमा नै उक्त मान्छेलाई तत्कालै जेल पठाउने प्रावधान छ । यो नियम चीनमा बसोवास गर्नेलाई मात्र लागु नभई त्यहाँ आउने आगन्तुकका लागि पनि लागु हुन्छ ।

प्रशासनले जारी गरेको लाइसेन्स नभएका पुजारीहरु बाहेक अरु कसैसंग पनि बाइबल बोक्ने अधिकार चीनले दिएको छैन । बाइबल विक्रि गर्न पनि सरकारले तोकेको चर्च अन्र्तगतका पुस्तक पसलहरुमा मात्र पाइन्छ । बाइबलका अडियो प्रतिलीपीहरु बनाउन, पुस्तक मुद्रण गर्न या इन्टरनेटमा प्रकाशन गर्न समेत पनि प्रतिबन्ध छ । चीनको कम्यूनिष्ट पार्टीले जनताहरुलाई ईसाई समुदाय माथि जासुसी गर्न र उनीहरुले कुनै पनि प्रकारले नीति उल्लघंन गरेका छन् या छैनन् भन्ने तथ्य पत्ता लगाउन प्रेरित गरेको छ । चर्चका भित्ताहरुमा लेखिएका धार्मिक शब्दावलीहरु पनि मेटाइएको छ । यसको साटो चर्चका भित्ताहरुमा समाजवाद, राष्ट्रियता र कम्यूनिज्मका सिद्धान्त र उदहारणहरु लेखिएका पाइन्छ । सुन्दा अपत्यारिलो लाग्न सक्दछ तर चीनको कम्यूनिष्ट पार्टीले बाइबलको नयाँ समाजवादी संस्करणको बिकास गरिरहेको छ ।

समाजवादका सिद्धान्तसंग मेल नखाने बाइबलका दृष्टान्तहरु हटाएर समाजवादको मुल्य झल्किने बाइबलको नयाँ संस्करणको विकास चीनमा भइरहेको छ । मसिमो इन्ट्रोभिग्ने एक समाजशास्त्रि हुन् जो ईटाली नागरीक हुन् । यिनले पछिल्ला समयमा चीनको प्रशासकहरुको धर्म विरोधी नीतिहरु नजिकबाट नियालीरहेका छन् । संयूक्त अधिराज्यमा आधारित एक चर्च पत्रिका बिटर विन्टरमा यिनले चीनका प्रशासकहरुले आफ्नो सिद्धान्त लाद्नका लागि जिससको छवीको प्रयोग गरिनु निन्दनीय रहेको लेखेका छन् । गत अक्टोबरको संस्करणमा लेखिएको यिनको आलेखमा चीनको कम्यूनिष्ट पार्टी सिसिपीले बाइबलको च्याप्टर ८ मा भएको एउटा उदहारणलाई गलत रुपमा व्याख्या गरिएको लेखेका छन् ।

यस उदहरणमा एकजना परपुरुषगमन गरेकी महिलालाई भिँडले पत्थर प्रहार गरेर मार्न खोजेको अवस्थामा जिससले भिँडलाई पहिलो पत्थर प्रहार गर्नेले कुनै पाप नगरेको हुनपर्ने बताएको उदहारण छ । यसरी सबैजनाले पाप गरेकाले पहिलो पत्थर कसैले प्रहार नगरेको र उक्त महिलालाई माफी दिइएको उक्त उदहारणलाई चीनले तोडमतोड गरेर नयाँ र षडयन्त्रपूर्ण बनाइएको बताइएको छ ।चीनले बिकास गरेको नयाँ संस्करणको बाइबलमा चाँही सबै भिँडका मान्छेहरु गएपछि जिसस स्वंले उक्त महिलालाई पत्थर प्रहार गरेर मारेको लेखिएको छ । कानुन कायम राख्न पुरुषहरु जिम्मेवार रहेको र पापीहरुलाई सजाय दिएको जिससले बताएको चीनको परिमार्जित बाइबलमा राखिएको मसिमो इन्ट्रोभिग्नेले उल्लेख गरेका छन् । राष्ट्रपति सि जिगं पीनले आफ्नो नीति अन्र्तगत उहिगुर र हुई मुसलमानहरुलाई बिस्थापन गरेपछि अब ईसाईहरुलाई निशानामा राखेको बताइन्छ ।

६०० वर्ष अगाडि पश्चिमाहरुले चीनको समुन्द्रनटमा टेकेका थिए । वाल स्ट्रिट जर्नलको सन् २०२० को एउटा आलेख अनुसार कल्चरल रिभोल्यूशन पछि करिब ३० लाखको हाराहारीमा रहेको चीनका ईसाईहरु अहिले बढेर १० करोड भएको र त्यसमा थप १ करोड २० लाख क्याथोलीकहरु रहेको तथ्याकं छ । पछिल्लो समयमा हङकङ्गको आन्दोलनमा चीनका ईसाई समुदायले चीनको शाषक विरुद्धमा गरेका कदमहरुका कारणले पनि चीनको नीति ईसाईहरु प्रति थप कडा बनाइएको आँकलन गरिएको छ ।



यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au

तपाईको प्रतिक्रिया


सम्बन्धित खबर

ट्रेण्डिङ