Techie IT
Thursday December 3, 2020  |   बिहिबार, मंसिर १८, २०७७
गृहपृष्ठ » News » ‘अरुकाे सम्मान हाम्राे पहिचान’ भन्दै सिड्नीका गुरुङले मनाए ल्हाेछार

‘अरुकाे सम्मान हाम्राे पहिचान’ भन्दै सिड्नीका गुरुङले मनाए ल्हाेछार


114 Views

सिड्नी/सिड्नीका गुरुङहरुले जनवरी ५ शनिवार ल्हाेछार मनाएका छन् । कुकुर वर्गलाई बिदाई गरि मृग वर्गकाे स्वागत गर्दै गुरुङहरुले ल्हाेछार मनाएका हुन् । 

हर्जविलस्थित मराना अडिटरियम हलमा भएकाे ल्हाेछार कार्यक्रममा झण्डै सात सय जना सहभागी थिए । गुरुङ भेषभुषामा सजिएका युवा युवतिकाे भिडले हर्जविल क्षेत्र नेपालमय बनेकाे थियाे । मञ्चमा राखिएकाे कुकुर वर्ग हटाएर मृग वर्गकाे तस्बिर राखेपछि ल्हाेछार कार्यक्रम सुरु भएकाे थियाे । कार्यक्रममा गुरुङ लामाहरुले परम्परागत पुजापाठ समेत गरेका थिए । पुजाकाे प्रसाद सबै सहभागिलाई बाडिएकाे थियाे । यसअघि नेपालबाट गुरुङ कलाकार आउने भएपनि यसपाली स्थानिय कलाकारहरुकाे मात्रै प्रस्तुती थियाे । अष्ट्रेलियामा हुर्कदै गरेकाे दाेस्राे पुस्ता आफ्नाे संस्कार सिकाउन स्थानिय यसपाली स्थानिय कलाकारलाई महत्व दिईएकाे तमू समाज सिड्नीका अध्यक्ष टंक गुरुङले जानकारी दिनुभयाे । 

ल्हाेछार कार्यक्रममा स्थानिय कलाकारले काैडा, साेरठी, गुरुङ भाषा र नेपाली गित र नृत्य प्रस्तुत गरेका थिए । 

अष्ट्रेलियामा आयाेजना हुने सामुदायिक कार्यक्रमहरुमध्ये तमू ल्हाेछारलाई विशेष मानिन्छ । 

सन् १९९६ मा प्रेम गुरुङकाे सक्रियतामा तमू समाज सिड्नी गठन भएकाे थियाे । स्थापनासंगै  समाजले अष्ट्रेलियामा गुरुङ संस्कृति जाेगाउन महत्वपुर्ण भूमिका खेल्दै आएकाे छ । 

क्याटेगोरी : News



प्रतिक्रिया दिनुहोस

-Advertisement-