सिड्नीका बालबालिकालाई क्रिकेट सिकाउँदै पारस खड्का

सन्ताेष ओझा/सिड्नी

नेपाली राष्ट्रिय क्रिकेट टाेलीका कप्तान पारस खड्काले अष्ट्रेलियाको सिड्नीमा बालबालिकालाई क्रिकेट खेल्न सिकाएका छन् । 

अर्लवुड स्थित विमान ओभलमा आईतबार भेला भएका दर्जनौं स्थानिय बालबालिकालाई खड्काले क्रिकेट सिकाएका हुन् । राष्ट्रिय टोलीका कप्तान खड्कालाई टोलीका सदस्य दिपेन्द्र सिंह ऐरीले साथ दिएका थिए ।

नेपाली क्रिकेटको सफलता तथा अष्ट्रेलियामा रहेका नेपाली समुदायका बालबालिकालाई खेलप्रति आकर्षित गर्नका साथै प्रोत्साहन गर्न राष्ट्रिय टोलीका सदस्यले विभिन्न शहरमा क्रिकेट कार्यशालाको आयोजना गर्दै आएका छन् । अष्ट्रेलिया स्थित एक्सपर्ट एजुकेसन एण्ड भिसा सर्भिसेजको निमन्त्रणामा खेलाडीहरु हाल अष्ट्रेलियाका विभिन्न शहरहरुको भ्रमणमा छन् । यसक्रममा उनीहरु स्थानिय क्रिकेट संस्कृति, संरचना को अवलोकन तथा क्रिकेट अष्ट्रेलियाका अधिकारीहरुसँग महत्वपुर्ण भेटघाटमा सहभागि हुने आयोजकले जनाएको छ ।