Sunday, 14 August 2022
जोड्दैछौ अष्ट्रेलियाका नेपाली
HomeBreaking Newsअफगानिस्तानमा हिंसाका घटना बढेसँगै आफ्ना गरिकलाई स्वदेश फर्किन चीनको आग्रह

अफगानिस्तानमा हिंसाका घटना बढेसँगै आफ्ना गरिकलाई स्वदेश फर्किन चीनको आग्रह


काबुल । तालिवानले अमेरिकी र नेटो सेनाको बर्हिगमनभन्दा केही महिनाअघि नै अधिक क्षेत्र कब्जा गर्न आक्रमण गर्न थालेपछि अफगानिस्तानमा हिंसा बढ्न थालेको छ । अफगानिस्तानमा हिंसाका र आक्रमणका घटनाहरु बढ्न थालेपछि चीनले आफ्ना नागरिकलाई मुलुक छोड्न चेतावनी दिएको हो ।

‘यस वर्ष अफगानिस्तानमा द्वन्द्व निरन्तर छ, आतंकवादी हमलाहरू लगातार भइरहेका छन् र सुरक्षा स्थिति गम्भीर र जटिल हुँदै गइरहेको छ,’ दूतावासले एक नोटिसमा भनेको छ । युद्धग्रस्त मुलुकमा भएको निर्दयी हिंसाका बीच, अफगानिस्तानमा चिनियाँ दूतावासले शनिबार आफ्ना नागरिकहरूलाई बढी सतर्क हुन र तुरुन्तै अन्तर्राष्ट्रिय वाणिज्य उडानबाट त्यस देशबाट बाहिर जान आग्रह गरेको थियो। सुरक्षा विश्लेषकहरूका अनुसार अफगानिस्तानबाट अमेरिकी फिर्तीले चीन र रुसलाई मुलुकमा प्रभावको लागि प्रतिस्पर्धा गर्ने अवसर प्रदान गर्दछ । ‘अफगानिस्तान स्पष्टतः चासोको स्थान हो, चीनका लागि, जनरल अमेरिकी सेन्ट्रल कमाण्ड (सेन्टकम) का कमाण्डर फ्रान्क म्याकेन्जीले गत हप्ता भनेका थिए, जहाँसुकै तपाईंले (यी प्रोजेक्टहरू) मध्य पूर्वमा देख्नुभयो, जहाँ वास्तवमा राष्ट्रहरू कमजोर छन् । मलाई लाग्छ अफगानिस्तान पनि ती क्षेत्रहरू मध्ये एक हुनेछ जुन हामी अगाडि बढ्छौं ।’

झन्डै २० वर्ष अघि चीनले अमेरिकी सेना अफगानिस्तानमा आएको थियो । अफगानिस्तानमा भइरहेको आतंवादलाई अन्त्य गर्न अमेरिकी सेना अफगानिस्तानमा आए पनि त्यहाँ आतंकवाद अन्त्य हुन सकेको छैन । गत महिना, चीनको विदेश मन्त्रालयका प्रवक्ताले भनेका थिए, ‘हालसालै अमेरिकाले अफगानिस्तानबाट सेना फिर्ताको आकस्मिक घोषणाले देशभर विस्फोटक हमलाहरूको क्रम बढिरहेको छ । यसले मुलुकलाई थप अस्थिरतातर्फ लैजाने छ भने सुरक्षा अवस्था निकै बिग्रिएको छ । अमेरिकाले शान्ति र स्थायित्वका साथै जनताको जीवनलाई जोखिममा पार्दै आएको छ ।’

यस अघि बाइडेनले मे १ मा अफगानिस्तानबाट सेनाको अन्तिम फिर्ती सुरु गर्ने र सेप्टेम्बर ११ को आतंकवादी हमलाको २० औं वार्षिकोत्सव अगाडि आफ्नो सेनाहरुको पूर्ण फिर्ता गरिसक्ने घोषणा गर्नुभएको थियो ।



यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au

तपाईको प्रतिक्रिया

ट्रेण्डिङ