Techie IT
Tuesday August 3, 2021  |   मङ्लबार, साउन १९, २०७८
गृहपृष्ठ » Breaking News » सबै अन्तर्राष्ट्रिय र आन्तरिक उडान खुला गर्ने नेपाल सरकारको निर्णय

सबै अन्तर्राष्ट्रिय र आन्तरिक उडान खुला गर्ने नेपाल सरकारको निर्णय


128 Views

काठमाडौं । सरकारले आन्तरिक र अन्तर्राष्ट्रिय हवाइ उडान खुला गर्ने निर्णय गरेको छ । सोमबार साँझको मन्त्रिपरिषद् बैठकले उडान खुला गर्ने निर्णय गरेको पर्यटनमन्त्री लीलानाथ श्रेष्ठले जानकारी दिनुभएको हो ।

मन्त्रिपरिषद्को निर्णयपछि अब पर्यटन मन्त्रालयले कोभिड प्रोटोकल तयार पारेर उडान सुचारु हुने मिति र ढाँचाबारे जानकारी दिनेछ । बुधबार सरकारका प्रवक्ताले उडान खुला भएको बारे थप जानकारी दिने मन्त्री श्रेष्ठले जानकारी दिनुभयो । यो निर्णयसँगै अबको उडान तालिका कोरोना पूर्वको समय जस्तै हुनेछ । अब नेपाललाई रोक नलगाइएका मुलुकमा उडान सुचारु हुनेछन् । अहिले अमेरिका, बेलायत, बेल्जियम, पोर्चुगल, युएई, साउदी अरब लगायतका मुलुकले नेपालमाथी यात्रा प्रतिबन्ध लगाएका छन् । सरकारले उडान खुला गरेपनि यात्रा प्रतिबन्ध लगाइएका देशमा तत्काल उडान हुने सम्भावना देखिदैन । जर्मनीले भने नेपाललाई लगाएको प्रतिबन्ध बुधबारदेखि खुला गर्ने निर्णय गरिसकेको छ ।

कोरोनाको दोस्रो लहरको कारण बैशाख २० गतेदेखि उडानहरु बन्द थिए । मन्त्रिपरिषद्ले नेपाल र भारतबाहेकको अन्तर्राष्ट्रिय उडान बैशाख २३ देखि बन्द गर्ने निर्णय गरेको थियो । ६९ दिनपछि अर्थात बिहिकारबाट आन्तरिक उडान ५० प्रतिशत अकुपेन्सीसहित संचालनमा आएका छत् ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-