Techie IT
Monday August 2, 2021  |   सोमवार, साउन १८, २०७८
गृहपृष्ठ » Australia » सिड्नीको नेपाली महावाणिज्यदूतावासको फोन ह्याक । पैसा माग्न थाले ह्याकरले

सिड्नीको नेपाली महावाणिज्यदूतावासको फोन ह्याक । पैसा माग्न थाले ह्याकरले


27 Views

ब्रिजवेन
अष्ट्रेलियाको न्यु साउथ वेल्स राज्यस्थित सिड्नीमा रहेको नेपाली महावाणिज्यदुतावासको टेलिफोन ह्याक भएको छ । आज दिउसो महावाणिज्यदूत दिपक खड्काले नेपालट्युबलाई ह्याकबारे जानकारी दिनुभएको हो । स्क्यामरले महावाणिज्यदुतावासको नम्बरबाट फोन गरेर केही नेपालीसंग बैंकको विवरण र पैसा माग्न थालेको भन्ने गुनासो आएपछि ह्याकबारे थाहा भएको खड्काले जानकारी दिनुभयो । कम्तिमा दुइ जना नेपालीले आफुलाई महावाणिज्यदूतावासबाट भन्दै फोन गरेर बैंकको विवरण र व्यक्तिगत विवरण मागेको गुनासो आएको हो । नेपालट्युबको टिकटकमा यो खबर सार्वजनिक भएपछि केही व्यक्तिले आफुलाई पनि यस्तै कल आएको कमेन्टमा लेख्नुभएको छ । महावाणिज्यदुत खड्काले फेसबुकमा सुचना जारी गर्दै महावाणिज्यदुतावासबाट व्यक्रिगत विवरण माग्नका लागि फोन नगर्ने स्पष्ट पार्नुभएको छ । त्यस्तो शंका लाग्न फोन आएमा तत्काल फोन काटी महावाणिज्यदूतावासमा सम्पर्क गर्न पनि भनिएको छ ।
दुइ वर्ष अघि पनि फोन ह्याक गरेर केही नेपालीसंग पैसा ठग्न लागेको गुनासो आएको थियो । त्यसपछि महावाणिज्यदुतावासले प्रहरीलाई उजुरी गरेको थियो । यसपाली पनि प्रहरीमा उजुरी गरिने महावाणिज्यदुत खड्काले बताउनुभयो ।

क्याटेगोरी : Australia, Breaking News, Breaking News, News



प्रतिक्रिया दिनुहोस

-Advertisement-