Techie IT
Monday August 2, 2021  |   सोमवार, साउन १८, २०७८
गृहपृष्ठ » Breaking News » नेपाल सरकारले माग्यो उत्पादक देशसँग अनुदान वा खरिदमार्फत कोरोना खोप

नेपाल सरकारले माग्यो उत्पादक देशसँग अनुदान वा खरिदमार्फत कोरोना खोप


19 Views

काठमाडौं । देउवा सरकारले नेपाललाई अनुदान वा खरिदमार्फत थप खोप उपलब्ध गराउन उत्पादक देशलाई आग्रह गरेको छ । मन्त्रिपरिषद्को सोमबारको बैठकले नेपाललाई खोप र अत्यावश्यक स्वास्थ्य सामग्री उपलब्ध गराउने सबै देशलाई धन्यवाद दिने निर्णयसहित उत्पादक देशसँग अनुदान वा खरिदमार्फत खोप माग गरेको हो ।

बैठकपछि सरकारका प्रवक्ता एवं कानूनमन्त्री ज्ञानेन्द्रबहादुर कार्कीले अनुदान वा खरिदमार्फत थप खोप उपलब्ध गराउन खोप उत्पादक तथा अन्य मित्र राष्ट्रहरुलाई आह्वान गरिएको जानकारी दिनुभयो । नेेेपालमा भारतमा उत्पादित कोभिशिल्ड, चीनमा उत्पादित भेरोसेल र अमेरिकामा बनेको जोन्सन एण्ड जोन्सनको खोप लगाइएको छ । भारतले ११ लाख डोज खोप अनुदानमा दिएको थियो भने नेपालले २० लाख डोज खरिद गरेकोमा १० लाख डोज आउन बाँकी छ । चीनले १८ लाख डोज भेरोसेल खोप अनुदान दिएको छ भने नेपालले ४० लाख डोज खरिद गरेर चरणवद्द रुपमा ल्याएको छ ।

हालै अमेरिकाले कोभ्याक्स कार्यक्रमअन्तर्गत दिएको जोनसन एण्ड जोनसन कम्पनीको १५ लाख ३४ हजार ८५० डोज खोप २८ असारमा काठमाडौं ल्याइएको थियो । अहिले लगाउन नै थालिएको छ । यस्तै, जापानले समेत १६ लाख डोज खोप दिएको छ ।

क्याटेगोरी : Breaking News, Health-lifestyle, Nepal, News



प्रतिक्रिया दिनुहोस

-Advertisement-