सगरमाथाको काखमा फेसन सो, सुपरमोडलदेखि इटालीका राजकुमारसम्मको क्याटवाक

काठमाडौं । सर्वाधिक उचाइमा आयोजना गरिने फेसन सोको रुपमा विश्व कीर्तिमान राखेको माउन्ट एभरेस्ट फेसन रनवेको दोस्रो संस्करण भब्य रुपमा सगरमाथा आधार शिविरमा सम्पन्न भएको छ ।

विभिन्न १० मुलुकबाट आएका सुपरमोडलसहित इटालीका राजकुमार कोसिमो दे मेडिसीले नेपाली डिजाइन लगाएरै र्‍याम्प फेसनको प्रदर्शन गरे । कासा डिजाइन र बुद्धिस्ट लाइनका डिजाइन लगाएर इटालेली प्रिन्सले नेपाली डिजाइनलाई प्रवद्र्धन गर्ने प्रयास गरेका थिए। ५५०० मिटर उचाइमा आयोजना गरिएको हिउँले भरिएको र्‍याम्पको पृष्ठभूमिमा सर्वोच्च शिखर सगरमाथाको आकर्षक दृश्य देखिएको थियो ।

गिनिज बुक अफ वर्ल्ड रेकर्डमा नाम लेखाइसकेका पंकज गुप्ता, रमिला नेमकुल र रिकेन महर्जनले फेसन सोको आयोजना गरेका हुन् ।