ब्रिजवेनमा सडक दुर्घटना, एक बालकसहित ४ जनाको निधन

ब्रिजवेन/ बुधबार राति ब्रिजवेनमा भएको सडक दुर्घटनामा एक बालकसहित ४ जनाको ज्यान गएको छ । पश्चिम ब्रिजवेनको ईप्सविच मोटरवेमा दुर्घटना भएको हो । प्रहरीका अनुसार गलत दिशामा सवारी कुदाएका कारण दुर्घटना भएको हो ।

गलत दिशाको लेनमा पुगेको गाडीले त्यहा कुदिरहेको फोर ह्विल ड्राईभ कारलाई ठक्कर दिदा, दुबै गाडीमा आगलागि भएको थियो । फोरह्विल कारमा भएका एक बालकसहित दुई जना र ठक्कर दिने कारका चालकसहित ४ जना कै ज्यान गएको हो । दुर्घटना हुनुअघि ठक्कर दिने कारलाई देख्ने प्रत्यक्षदर्शीलाई सम्पर्कमा आउन प्रहरीले अपिल गरेको छ ।