तेस्रो पतिसँग पनि सम्बन्ध विच्छेद गर्दै यी बंगाली अभिनेत्री

काठमाडौं । बंगाली अभिनेत्री श्रावन्ती चटर्जीले तेस्रो पटक सम्बन्धविच्छेद गर्ने भएकी छिन् । यस अघि आफ्ना दुई पतिसँग सम्बन्ध विच्छेद गरिसकेकी चटर्जीले अदालतमा आफ्नो तेश्रो पति रोशन सिंहमाथि डिर्भोर्स पेपर बुझाएकी हुन् ।

३४ वर्षीय श्रावन्तीले १९९७ मा बंगाली फिल्म माया र बन्धनमा डेब्यू गरेकी थिइन् । पछिल्लो समय उनले लकडाउन फिल्ममा पनि भूमिका निभाइन । पहिलो विवाह २००३ मा चलचित्र निर्माता राजीव कुमार विश्वाससँग गरेकी उनले २०१६ मा राजीवसँगको सम्बन्ध तोडिन् । लगत्तै सन् २०१६ मै उनले मोडल कृष्ण व्रजसँग विवाह गरिन् । यो विवाह १ वर्षसम्म पनि टिकेन । उनले २०१७ मै उनीसँगको सम्बन्ध तोडिन् ।

२०१९ मा उनले रोशन सिंहसँग विवाह गरेकी थिइन् । रोशनसँगको सम्बन्ध पनि उनले अदालती प्रक्रिया मार्फत तोड्दैछिन् ।