Techie IT
Thursday July 29, 2021  |   बिहिबार, साउन १४, २०७८
गृहपृष्ठ » News » अष्ट्रेलियामा वृद्ध कुटपिट गर्ने प्रकाश जेल गए ।

अष्ट्रेलियामा वृद्ध कुटपिट गर्ने प्रकाश जेल गए ।


300 Views

सिड्नी 

सिड्नीकाे एक एज केयर(वृद्धाश्रम) मा वृद्धलाई कुटपिट गरेपछि एक नेपालीलाई ८ महिना जेल सजाय ताेकिएकाे छ । 

एसविएस संचारमाध्यमका अनुसार म्यान्ली अदालतले ३५ वर्षिय प्रकाश पाैडेललाई दाेषी मान्दै जेल सजाय सुनाएकाे हाे ।  उनले गत साल रेजिडेण्ट ८३ वर्षिय वृद्धमाथी जुत्ताले कुटपिट गरेकाे भिडियाे सार्वजनिक भएकाे थियाे ।  केही समयअघि देखि नै आफुमाथी कुटपिट भईरहेकाे भन्दै वृद्धले आफन्तलाई खबर गरेपछि उनकी छाेरीले गाेप्य क्यामेराबाट दृश्य कैद गरेकी थिईन। 

वृद्ध डिमेन्सिया राेगी भएकाले पनि याे घटनालाई अष्ट्रेलियनहरुले निकै गम्भिर रुपमा लिएका थिए । 

प्रकाश पक्षका वकिलले उनी पारिवारिक, आर्थिक र मानसिक तनावमा भएकाे र वृद्धमाथी हातपात गर्ने याेजना नभई त्यहि तनावकाे उपज मात्र भएका भन्दै अदालतमा बचाउ गरेका थिए । 

अभियुक्त पाैडेल गैर आवासिय नेपाली संघमार्फत समाज सेवामा समेत सक्रिय छन् ।

अष्ट्रेलियाकाे एजकेयरमा एसिस्टेन्ट ईन नर्सिङ अर्थात केयररकाे रुपमा थुप्रै नेपालीले काम गर्छन् । विश्वासिलाे र मेहनति भएकाले अष्ट्रेलियाकाे एजकेयरमा नेपालीकाे बाहुल्यता बढिरहेकाे छ । तर छिटफुट हुने यस्ता घटनाले नेपालीमाथीकाे विश्वासनै गुम्न सक्छ । 

क्याटेगोरी : News



प्रतिक्रिया दिनुहोस

-Advertisement-