होबार्ट/ नेपाली सोसाइटी अफ तास्मानियाले दशै कप को आयोजना गर्ने भएको छ । नेपाली सोसाइटी अफ तस्मानिया नेष्टले नेपालीहरुको महान चाँड बडादशैँको अवसर पारेर नेप्लिज तास्मानिया स्पोर्टस एसोसेशन र अष्ट्रेलिया नेप्लिज फुटबल एसोसेशनको सहयोगमा दुई दिने फुटबल प्रत्योगिताको आयोजना गरेको हो ।
फुटवल खेलको दोस्रो दिन मैदानमा भव्य दुर्गा पुजा गरिने आयोजकले जानकारी दिएको छ । अक्टोबर ९ र १० तारिख केजिभी फुटबल ग्राण्ड गेलेनोरेकीमा हुने फुटबल प्रतियोगिता हुन लागेको हो ।तास्मानियाका नेपाली संघसंस्था र समुदायबिच खलकुदको माध्यमबाट भाईचार बढाउन तथा दशैको शुभकामना आदानप्रदानका लागि कपको आयोजना गरिएको नेष्टका अध्यक्ष खगेन्द्र सत्यालले जानकारी दिनभयो । कार्यक्रमको मुख्य अतिथीमा तास्मानियाका मन्त्री एलिस आचार आउने तय भएको छ ।
जित्नेले १५ सय अष्ट्रेलियन डलर र ट्रफि, दोस्रो हुनेले एक हजार अष्ट्रेलियन डलर र ट्रफि र तेस्रो हुनेले ५ सय अष्ट्रेलियन डलर र ट्रफि पाउने आयोजकले जनाएको छ । यसमा ७ वटा फुटवल टिमले सहभागीता जनाउने छन् । महिला टुर्नामेन्ट कर्पोरेट कप पनि राखेको आयोजकले जनाएको छ । कार्यक्रमलाई एनआरएनए तास्मानिया, तास्मानिया नेपलिज क्रिकेट एशोसियसन, विनर सर्कल तास्मानिया, र होबार्ट ब्योईजले पनि सहयोग गरेको सत्यालले बताउनुभयो ।
लाइभ न्युज
तपाईको प्रतिक्रिया