दुबै खोप लगाएकालाई आजदेखि सिड्नीमा स्वतन्त्रता प्रदान, यस्ता छन् गर्न पाइने सुची

सिड्नी/महिनौको कठोर लकडाउनपछि आजदेखि सिड्नी लगायत न्यु साउथ वेल्स राज्यले स्वतन्त्रता पाउदैछ । राज्यका दुबै खोप लगाएका मानिसलाई हिडडुलदेखि किनमेलसम्मको स्वतन्त्रता प्रदान गरिएको छ । कोरोनाको डेल्टा भेरियन्ट फैलिएपछि केही महिनादेखि सिड्नी लगायत आसपासका क्षेत्रमा कठोर लकडाउन गरिदै आइएको थियो ।

तर, दुबै खोप लगाउने संख्या ७० प्रतिशत कटेपछि राज्यले प्रतिबन्धहरु खुकुलो बनाउने निर्णय गरेको हो । यसअघि अघि लागु गरिएका कठोर नियमहरु हटाइएको छ । क्याफे, रेष्टुरेन्ट, बारहरु खुल्ने भएका छन् । त्यस्तै जिमखाना पनि खुल्न थालेका छन् ।

• नयाँ नियम अनुसार दुबै खोप लगाउनेहरुले गर्न पाउने सुची यस्ता छन् ।
  १. घरमा बढीमा १० जना पाहुना बोलाउन पाइने (जसमा १२ वर्षभन्दा मुनी बालबालिका गन्ती नहुने)
  २.खुल्ला स्थानमा बढीमा ३० जनासम्म भेला हुन पाइने
  ३. बिहे र मलामीमा बढी १ सय जना सहभागी हुन पाइने ।
  ४.पौडी पोखरीहरु पौडी प्रशिक्षणका लागि खुल्ला गरिने
  ५.सार्वजनिक कार्यक्रममा कुर्सीमा बस्ने हो भने ५ सय जनासम्म सहभागी हुन पाइने
  ६. ५ किलोमिटर यात्रा प्रतिबन्ध हटेर ग्रेटर सिड्नीभर आवतजावत गर्न पाइने
  ७. एजकेयर र डिजेविलिटी होममा प्रतिदिन दुइ जना पुरा खोप लगाएका भिजिटरलाई प्रवेश दिइने ।
  ८. रंगशाला र थिमपार्कमा ५ हजार जनासम्मलाई प्रवेश गर्न दिइने ।
  ९. रिजनल क्षेत्रका न्यु साउथ वेल्सवासीले राज्यको अर्को रिजनल क्षेत्रमा घुम्न जान पाउने ।

दुबै खोप लगाउनेको संख्या ८० प्रतिशत पुगेपछि थप नियमहरु खुकुलो पारिदै जाने राज्य सरकारले जनाएको छ । Photo- तस्बिरमा न्यु साउथ वेल्सका प्रिमियर डोम