कुइन्सल्याण्डमा माक्स लगाउनुपर्ने नियम हट्दै

ब्रिजवेन/अबको केही घण्टामा कुइन्सल्याण्ड राज्यको अधिकांश स्थानमा माक्स लगाउनुपर्ने नियम हट्ने भएको छ । राज्यकी प्रिमियर एनेस्तेसिया पालासेका अनुसार राज्यमा कोरोना खोपको पहिलो मात्रा लगाउनेको संख्या ८० प्रतिशत पुगेसंगै अधिकांश स्थानमा माक्स लगाउनुपर्ने नियम हटाइने घोषणा गर्नुभएको हो । पहिल्लो तथ्याकं अनुसार हालसम्म कुइन्सल्याण्डमा ७९.६ प्रतिशतले कोरानाको कम्तिमा एउटा खोप लगाइसकेका छन् । यो तथ्याकं नोभेम्बर ७ को हो । यसको मतलब अबको केही घण्टामा नै कुइन्सल्याण्डमा पहिलो खोप लगाउनेको संख्या ८० प्रतिशत पुग्नेछ ।

यो नियम हटेपछि कुइन्सल्याण्डभरी नै विद्यँलय, क्याफे, पब, क्लब, हेयर ड्रेसर र कार्यस्थलहरुमा माक्स लगाउनुपर्ने छैन । संघिय नियम अनुसार विमानस्थल र विमानभित्र भने माक्स लगाउनुपर्ने प्रिमियरले आफ्नो फेसबुक स्टाटसमा लेख्नुभएको छ । महामारीको बेलामा कुइन्सल्याण्डवासीले साथ दिएको भन्दै जति धेरैले खोप लगायो त्यति नै छिटो सामान्य अवस्थामा फर्कन सक्ने भएकाले सबैलाई खोप लगाउन प्रिमियरले आग्रह गर्नुभएको छ ।