प्रहरीको गोली लागेर सिड्नीमा एक पुरुषको निधन

सिड्नी/प्रहरीको गोली लागेर सिड्नीमा एक ४६ वर्षिय पुरुषको निधन भएको छ । आज बिहान अदालतको पुर्जी लिएर सोधपुछका लागि प्रहरी ती पुरुषको घरमा पुगेको न्यु साउथ वेल्स प्रहरीले विज्ञप्ती जारी गर्दै जानकारी गराएको छ । लगत्तै प्रहरीसंग शारिरीक रुपमै हात हालाहालको स्थिती भएपछि गोली चलाएको विज्ञप्तीमा भनिएको छ । गोली लागेर सो पुरुषको घटनास्थलमै ज्यान गएको थियो । पारामेडिक्सको टोली घटनास्थलमा पुगेपनि उनलाई बचाउन नसकिएको प्रहरी जनाएको छ ।

सिड्नीको सेभन हिलमा आज बिहान साढे ११ बजे घटना भएको हो । प्रहरीले ५ राउण्ड गोली चलाएको स्थानिय बासिन्दाले संचारमाध्यमलाई जानकारी दिएका छन् । गोली कसरी र किन चल्यो भन्ने बारे प्रहरीले अनुसन्धान गरिरहेको छ ।