आइतबार डार्बिनमा पहिलो नेपाली भलिबल प्रतियोगिता हुदै । महिलाको छुट्टै टिम

डार्बिन/नर्दन टेरिटोरी राज्यको डार्बिनमा आगामी नोभेम्बर १४ आइतबार नेपाली भलिबल प्रतियोगिता हुने भएको छ । नेपाली भलिबल क्लब डार्बिन, नेपलिज एशोसियसन अफ नर्दन टेरिटोरी र एनआरएनए एनटी मिलेर पहिलो पटक भलिबल प्रतियोगिता गर्न लागेको हो । प्रतियोगिताका लागि हालसम्म ७ पुरुष र २ महिला टिमले नाम दर्ता गरिसकेको एनआरएनए एनटीका संयोजक विष्णु चापागाइले जानकारी दिनुभयो ।

प्रतियोगिता मरारा रंगशालामा बिहान साढे ८ देखि बेलुका साढे ७ बजेसम्म हुनेछ । लिगको आधारमा खेलाइने खेलमा विजयी चार टिमबिच सेमिफाइनल हुनेछ । सेमिफाइनलका विजेता र उपविजेताबिच फाइनल खेल हुनेछ । विजयी टिमलाई मेडल र शिल्ड पुरस्कार दिने बताइएको छ । नेपालीबिच भाइचार बढाउन प्रतियोगिताको आयोजना गर्न लागिएको आयोजकले जनाएको छ । खेलमा दर्शकलाइ प्रवेश निशुल्क गरिएको छ ।