कोरोनाले थलिएका भारतीय स्टील तथा सिमेन्ट उद्योग लयमा फर्किदै

नयाँ दिल्ली । भारतमा गत बर्षदेखी कोभिड १९ माहामारीले प्रभावित भएका स्टील तथा सिमेन्ट व्यावसायहरुको पुनरुत्थान सुरु भएको छ । भारतमा स्टील तथा सिमेन्ट व्यावसाय लयमा फर्कीरहेको बेला चालु आर्थिक बर्षको अन्तिम चार महिनामा स्टील कम्पनीहरु थप नाफामा जाने आंकलन गरिएको हो ।

स्टील तथा सिमेन्ट उद्योग क्षेत्रको आर्थिक वृद्धिदर बारे केयर सुचांकले रिपोर्ट सार्वजनिक गर्दै सुधारको संकेत दिएको छ । चालु आर्थिक बर्षको पहिलो चार महिनामा भारी गिरावट आएको स्टील व्याबसाय दोस्रो चार महिनामा भने सुधार भएको उद्योगीहरुले बताएका छन् । आगामी आर्थिक बर्षमा स्टील तथा सिमेन्ट उद्योगको थप १३ प्रतिशतले आर्थिक वृद्धि हुने पनि प्रक्षेपण गरिएको छ । जुन यो दशककै सबैभन्दा धेरै बृद्धिदर हुनेछ । स्रोत : स्टेलिग्राफ ईन्डीया