विश्वकपको वार्मअप खेलमा नेपालसँग यूएई पराजित

काठमाडौं । आईसीसी टी-२० विश्वकपको वार्मअप खेलमा नेपालसँग यूएई ७ विकेटले पराजित भएको छ ।

भारतको एमए चिदाबरम स्टेडियममा भएको खेलमा युएईले दिएको १४६ रनको लक्ष्य नेपालले १७ ओभरमा ३ विकेट मात्रै गुमाएर पूरा गरेको हो । नेपालको जितमा आरिफ शेख र दीपेन्द्रसिंह ऐरीले शतकीय साझेदारी गर्नुभयो । आरिफ ६१ र दीपेन्द्र ५० रनमा अविजित रहनुभयो । टस हारेर पहिला ब्याटिङ गरेको यूएईले २० ओभरमा ६ विकेट गुमाएर १४५ रनको लक्ष्य प्रस्तुत गरेको थियो । यूएईका लागि शोएब खानले सर्वाधिक ३८ रन बनाउनुभयो ।

बलिङमा नेपालका सन्दीप लामीछाने र करण केसीले २/२ तथा दीपेन्द्रले एक विकेट लिनुभएको थियोे । नेपालले अर्को वार्मअप खेल बिहीबार क्यानडासंग खेल्दैछ । Photo- CAN FB