नेपाल टेलिकमले मनायो आफ्नो २२ औँ स्थापना दिवस

काठमाडौं । नेपाल टेलिकमले आफ्नो २२ औं स्थापना दिवस मनाएको छ । टेलिकमल आफ्नै कार्यालयमा स्थापना दिवस मनाउदै उत्कृष्ट कार्यसम्पादन गर्ने कतिपय कर्मचारिलाई सम्मानित समेत गरेको छ ।

नेपाल टेलिकमको २२ औं वार्षिकोत्सव समारोहमा गृहमन्त्री ओमप्रकाश अर्यालले नेपाल टेलिकम दूरसञ्चार सेवा प्रदायक मात्र नभई राज्यको डिजिटल मेरुदण्ड रहेको बताउनुभएको छ । प्राकृतिक विपद्, महामारी तथा अन्य आपतकालीन अवस्थाहरूमा टेलिकमले खेलेको भूमिका स्मरणीय र प्रशंसनीय रहेको दाबी गर्दै गृहमन्त्री अर्यालले दूरसञ्चार सेवा व्यवसाय मात्र नभई मानव जीवनको आधारभुत आवश्यकता तथा शैक्षिक, सामाजिक र आर्थिक विकासको महत्त्वपूर्ण पूर्वाधार भएको बताउनुभएको छ ।

दुर्गम हिमालदेखि तराईका गाउँबस्तीसम्म सञ्चारको पहुँच पुर्‍याएर नेपाल टेलिकमले राष्ट्रिय एकता, सेवा प्रवाह र आर्थिक क्रियाकलापलाई मजबुत बनाउँदै आएको छ । प्राकृतिक विपद्, महामारी वा अन्य आपतकालिन अवस्थामा समेत नेपाल टेलिकमको भूमिका प्रभावकारि देखिएको छ ।

यता, स्थापना दिवसकै अवसरमा नेपाल टेलिकमका कर्मचारीहरूले ५ बुँदे माग राखेर मौन विरोध प्रदर्शन गर्नुभएको छ । Photo- NPL