“देश नै नरहने चिन्ता बढ्यो” – पूर्वराजा शाह

काठमाडौं । पूर्वराजा ज्ञानेन्द्र शाहले हिजो देश नबनेको चिन्ता मात्रै रहेकोमा अहिले देश नै नरहने हो कि भन्ने चिन्ता पर्न थालेको बताउनु भएको छ ।

३०४ औँ पृथ्वी जयन्ती तथा राष्ट्रिय एकता दिवसको उपलक्ष्यमा भिडियो सन्देश जारी गर्दै उहाँले नारायणहिटी राजदरबारबाट बाहिरिएको करिब दुई दशक बित्दा पनि देशले सामना गरिरहनु परेको संकटले चिन्तित बनाएको बताउनु भएको छ । देशको अवस्थाले चिन्ता बढाएको उहाँले बताउनुभएको छ ।

भिडियो सन्देशमा पूर्वराजा शाहले भन्नुभएको छ – ‘हिजो देश नबनेकोमा चिन्ता थियो, आज देश नै नबच्ने हो कि भन्ने निराशा पैदा भएको छ।’