भोलीका लागि बोलाइयो कांग्रेस केन्द्रीय कार्यसमिति बैठक

काठमाडौं । नेपाली कांग्रेसले भोली ११ बजेका लागि केन्द्रीय कार्यसमितिको बैठक बोलाएको छ । मुख्य सचिव कृष्ण पौडेलले मंगलबार विहान ११ बजे पार्टी कार्यालयमा बस्ने बैठकमा केन्द्रीय कार्यसमितिका पदाधिकारी, सदस्यहरू र ७ वटै प्रदेशका सभापतिहरूलाई सहभागी हुन निर्देशन दिइएको जानकारि गराउनुभएको हो ।

महामन्त्रीद्वय गगन थापा र विश्वप्रकाश शर्माले विशेष महाधिवेशन आह्वान गरेर प्रक्रिया नै अघि बढिरहँदा अहिले कांग्रेसमा विवाद बढ्दै गएको छ । महामन्त्रीद्वयले आह्वान गरेको विशेष महाधिवेशनको बन्दसत्र जारी रहदा बोलाइएको केन्द्रीय कार्यसमिति बैंठकमा को–को सहभागि हुन्छन ? यो बैंठकले कांग्रेसको आन्तरिक किचलो रोकेर निकास निकाल्छ कि थप बिवाद बल्झिन्छ ? अहिले कांग्रेस जनले चासो राखिरहेका छन् ।

सभापति शेरबहादुर देउवा, नेता शेखर कोइरालासहितका नेताहरु पार्टीलाई एकठिक्का बनाउदै निकास निकाल्न गगनविश्वलाई आह्वान गर्ने अवस्थामा पुग्दा, गगन—विश्वले समेत सहमतिको प्रस्ताव अघि सारेका छन् ।