टी–२० विश्वकप : नेपालद्वारा स्कटल्यान्ड ७ विकेटले पराजित

काठमाडौं । टी–२० विश्वकप अन्तर्गत नेपालले आफ्नो अन्तिम खेलमा जित निकाल्दै १२ वर्षदेखीको जितको खडेरी तोडेको छ । नेपालले स्कटल्यान्डलाई ७ विकेटले हराउदै २०१४ विश्वकपपछि पहिलो जित निकालेको हो ।

१७१ रनको लक्ष्य पछ्याएको नेपालले १९ दशमलब २ ओभरमा ३ विकेट गुमाएर जित हात पारेको थियो । दीपेन्द्र सिंह ऐरीले अर्धशतकीय पारी खेल्दा टिमका लागि कुशल भुर्तेलले ४३, आसिफ शेखले ३३, रोहित पौडेलले १६ तथा गुलशन झा २४ रनको योगदान दिनुभयो । बलिङतर्फ स्कटल्यान्डका माइकल लिस्कले तीन विकेट लिनुभयो।

मुम्बईस्थित वानखेडे मैदानमा टस हारेर ब्याटिङ थालेको स्कटल्यान्डले २० ओभरमा ७ विकेटको क्षतिमा १७० रन बनाएको थियो । माइकल जोन्सले विष्फोटक ब्याटिङ गर्दै ७१ रन जोड्दा जर्ज मुन्सीले २७, ब्रेन्डन म्याकमुलनले २५ रनको योगदान दिनुभयो । बलिङतर्फ नेपालका सोमपाल कामीले चार ओभरमा २५ रन खर्चेर तीन विकेट लिदा नन्दन यादवले दुई तथा रोहित पौडेल र कुशल भुर्तेलले एक–एक विकेट लिनुभयो ।

समूह सी मा रहेको नेपालले अन्तिम खेलमा जित निकाल्दै सुखद् अन्त्य गरेको छ । यो समूहबाट वेस्ट इन्डिज र इंग्ल्यान्ड सुपर एटमा पुग्दा इटाली, नेपाल र स्कटल्यान्ड समूह चरणबाट बाहिरिएका छन् । Photo Source : CAN FB