यसकारण बुझे प्रचण्ड र माधव नेपालले जाँचबुझ आयोगको पत्र र म्याद, बयान कहिले ?

काठमाडौं । कांग्रेसका सभापति शेरबहादुर देउवा र नेपाली कम्युनिस्ट पार्टीका संयोजक पुष्पकमल दाहाल प्रचण्डले जेन जी घटनासँग सम्बन्धित जाँचबुझ आयोगको म्याद बुझेर बयान दिनुहुने भएको छ । आफ्नो धारणा राखिदिन आग्रह सहित जेन जी घटना जाँचबुझ आयोगले पठाएको पत्र र म्याद बुझ्न नमानेका दुबै नेताहरु सार्वजनिक सूचना प्रकाशित हुने चेतावनी दिइएपछि तयार भएका हुन ।

कांग्रेस सभापति देउवाले आफू २४ भदौको आगजनीबाट पीडित भएको, घर जलेर अन्यत्र बस्नु परेको, जेनजी आन्दोलनका बेला आफू राज्यको कुनै भूमिकामा नरहेको भन्दै बयान दिनुपर्ने कारण नभएको बताहुँदै आउनुभएको थियो । यता, संयोजक प्रचण्डले पनि जेनजी आन्दोलनका बेला आफू प्रमुख विपक्षी दलको नेताको भूमिकामा रहेको, त्यतिबेला सत्तामा रहेकाहरुमाथि खबरदारी गरिरहेको अवस्थामा उल्टै आफ्नो घरमा आगजनी भएको सार्वजनिक अभिव्यक्तिसहित बयान दिन इन्कार गर्दै आउनुभएको थियो । पत्र बुझ्न अस्विकार गरेमा सार्वजनिक सञ्चारमाध्यमहरूबाट सार्वजनिक सूचना निकालिने र त्यसपछि पनि सहयोग नगरेमा त्यही व्यहोरा प्रतिवेदनमा समावेश हुने चेतावनी दिइएपछि पत्र बुझेको पाइएको छ ।

पूर्वप्रधानमन्त्री केपी शर्मा ओलीले समेत बयानका लागि जाँचबुझ आगोगमा जान इन्कार गर्दै आएको अवस्थामा लिखित जवाफ पठाउदा समेत हुनेगरि प्रचण्ड र माधवलाई सहुलियत दिन लागिएको छ ।