काठमाडौं । नारायणी नदी क्षेत्र उत्तरी एशिया, साइबेरिया, मध्य एशिया र तिब्बती उच्चभूमिबाट नेपाल आउने आप्रवासी चराहरूका कारण मनमोहक देखिएको छ ।
उत्तरी क्षेत्रहरूमा अत्यधिक चिसो, हिउँ र आहारको अभाव भएपछि तातो मौसम, सुरक्षित बासस्थान खोज्दै यो सिजनमा हजारौँ किलोमिटर यात्रा गरेर चराहरु नेपाल आउने गर्दछन ।
चिसो बिहानको कुहिरोले ढाकिएको नारायणी नदी, बगर र वरपरका घाँसे मैदानहरू शीतकालीन आप्रवासी चराहरू र स्थानीय वन्यजन्तुहरूको गतिविधिले मनमोहक देखिएको छ ।
यस क्षेत्रमा चखेवा (Ruddy Shelduck), खोया हाँस (Bar-headed Goose), रणमत्त महाचील (Eastern Imperial Eagle), लगु राजपुत्रिका (Little Ringed Plover) जस्ता प्रमुख आप्रवासी चराहरू देख्न सकिन्छ। साथै मणितुण्डक हाँस (Goosander) जस्ता जलचर र आसपासका वन क्षेत्रमा मयूर (Peacock) देखिएका छन् ।
नारायणी जस्ता नदी, सिमसार र बगर क्षेत्रहरू आप्रवासी चराहरुका लागि जाडो बिताउने उपयुक्त स्थान बन्दै आएका छन् । Photo-NPL
लाइभ न्युज
तपाईको प्रतिक्रिया