खुल्यो एन्फा मुख्यालयको ताला, ए डिभिजन लिग चैत ३० बाट सुरु गर्ने सहमति

काठमाडौं । अखिल नेपाल फुटबल संघ (एन्फा) र नेपाल फुटबल खेलाडी संघबीच सहमति भएसँगै एन्फा मुख्यालयमा लगाइएको तालाबन्दी खुलेको छ ।

एन्फा र संघबीच ए डिभिजन लिगको उद्घाटन खेल आउँदो ३० चैतमा गर्ने सहमति भएको हो । मंगलबार एन्फा र खेलाडी संघबीच भएको सहमतिबारे एन्फा प्रवक्ता सुरेश शाहले पत्रकार सम्मेलनमार्फत जानकारि दिनुभएको छ । ए डिभिजन चैत ३० बाट सुरु गर्नेसँगै खेलाडी संघले राखेका अन्य मागमा पनि सहमति जुटेको शाहले जानकारी दिनुभएको छ ।

यसअघि आइतबार खेलाडी संघले एडिभिजन लिगको समयतालिका निश्चित गर्नुपर्ने लगायतका विभिन्न मागहरू राखेर एन्फा मुख्यालयमा तालाबन्दी गरेको थियो ।