होल्डिङ सेन्टरका सुकुमवासीद्वारा ५ बुँदे माग, स्थायी समाधानको आग्रह

काठमाडौँ / होल्डिङ सेन्टरमा आश्रय लिइरहेका सुकुमवासीहरूले सरकारसमक्ष ५ बुँदे सरोकार पत्र पेश गर्दै स्थायी व्यवस्थापनको माग गरेका छन्। ६० दिनभित्र स्थायी समाधान दिने प्रतिबद्धता पूरा नगरी २५ हजार रुपैयाँ लिएर पाँच दिनभित्र सेन्टर छोड्न दबाब दिइएको भन्दै उनीहरूले असन्तुष्टि जनाएका हुन्।

सुकुमवासीहरूले स्थायी बसोबासको विकल्प नदिइए आफूहरू पुरानै बस्तीमा फर्केर बस्न बाध्य हुने चेतावनी दिएका छन्। साथै, लगत संकलन, पहिचान प्रमाणीकरण र स्थायी व्यवस्थापन नभएसम्म आवश्यक सेवा–सुविधा सुनिश्चित गर्न पनि सरकारसँग माग गरेका छन्।