काठमाडौं। राष्ट्रिय स्वतन्त्र पार्टी (रास्वपा)का शीर्ष नेता सरकार गठनको छलफलमा छन्।

निर्वाचन आयोगले निर्वाचन प्रतिवेदन राष्ट्रपति कार्यालयमा बुझाएसँगै सभापति रवि लामिछाने, वरिष्ठ नेता बालेन्द्र शाह (बालेन), उपसभापतिद्वय डीपी अर्याल र डा स्वर्णिम वाग्ले आन्तरिक छलफलमा जुट्नुभएको हो । फागुन २१ मा सम्पन्न निर्वाचनमा रास्वपाले १८२ सीट जितेको छ। जुन करिब दुई तिहाइ हो । रास्वपाले बालेनलाई भावी प्रधानमन्त्रीका रुपमा अगाडि सारेकाले संसदीय दलको नेताहुँदै प्रधानमन्त्री बन्ने निश्चित जस्तै छ ।

१८ सदस्यीय मन्त्रिपरिषद बनाउने तयार

रास्वपाले मन्त्रालयको संख्या घटाएर १८ सदस्यीय मन्त्रिपरिषद गठनको गृहकार्य गरिरहेको छ। महामन्त्री कविन्द्र बुर्लाकोटीले चैत १३ गते सर्वसम्मत संसदीय दलको नेतासँगै प्रधानमन्त्री पदको शपथ ग्रहण गर्ने, प्रधानमन्त्रीसँगै सबै मन्त्रीले  शपथ ग्रहण गर्ने गरि आन्तरिक तयारी भइरहेको बताउनुभयो ।